DILONGI 37
Bibila mbi kitubidi mu mambu matadidi kisalu ayi zimbongo?
Wume teka kitatikisa mu mambu matadidi kisalu voti zimbongo? Yilenda ba diambu diphasi mu sala kisalu ki kinsuni ayi yo yawu thangu bue vana diaka tsambudulu yi fueni kuidi Yehova. Vayi zindongi zi Bibila zilenda kutusadisa.
1. Bibila mbi kitubidi mu diambu ditadidi kisalu?
Nzambi katidi tumona khini sala. Bibila kitubidi ti “kuisi ko diambu dilutidi kuidi mutu mu yangalala mu kisalu kiandi kingolo.” (Mpovi 2:24) Yehova weta sala kuwombo. Betu kunsokuidila, mantunyangidika ayi betu phe matu ba mu mayangi.
Kisalu mfunu kidi, vayi kiedi luta ba ko mfunu viokila lusambulu lo tumvananga kuidi Yehova. (Yowani 6:27) Nzambi wutuveni tsila, ti tuntudidi va buangu kitheti mu luzingu lueto makatuvana bima bio tuidi mfunu mu luzingu.
2. Ba mbueno yimboti mu mambu matadidi zimbongo mbi yinsundula?
Bibila kitubidi ti “zimbongo zieta vana lutanunu” vayi zivananga ko makhini makiedika kiedika. (Mpovi 7:12) Bibila kieta tukindisa tubika ba n’zolu mbongo vayi ‘tumona khini mu bima biobi bidi yeto.’ (Tanga Ebelewo 13:5.) Betu landakana ndongi beni yoyi, tuedi dengana ko mambu ma ziphasi mo meta builukulu batu bo beta tomba baka zimbongo ziwombo. Ayi tuedi kue devanga ko phamba phamba. (Zingana 22:7) Ayi tuedi bakana ko mu ntambu wubulanga kipa ki zimbongo voti lukanu lubaka kuwombo.
3. Phila mbi yimboti tulenda sadila zimbongo?
Yehova widi Nzambi nio weta kaba, ayi enati tunsokudidi, matu ba batu “bakubama mu kaba.” (1 Timote 6:18) Tulenda sadila zimbongo zieto mu phila yimboti enati tulembo vani makaba mu kimvuka ayi sadisa batu bo bakondolo, nduka nduka bakhomba zieto bakristu. Dilutidi kuidi Yehova, bika ti zimbongo zio tumvana vayi mambu mo makututuma tuvana. Enati tuveni mu ntima woso, matuba mu zikhini ayi matuyangidika Yehova.—Tanga Mavanga 20:35.
TUVISA MBOTI MBOTI
Tutala mamboti mo tulenda baka enati tutudidi kisalu va buangu kiandi ayi mona khini mu bima biobi bidi yeto.
4. Zitisa Yehova mu thangu lembo sadi
Kikundi kieto ayi Yehova, kilenda kututuma tu ba mbueno yimboti mu kisalu kieto. Tala VIDEO ayi vana mimvutu mu biuvu biabi bilandikini.
Diambu mbi diyangidikidi mu phila yoyi Jason kabe muenanga kisalu?
Mbi kavanga mosi katula kisalu va buangu kiandi?
Tanga Kolosayi 3:23, 24 ayi vana mvutu mu kiuvu kiaki:
Bila mbi phil’eto yitadila kisalu yididi mfunu?
Kisalu mfunu kidi, vayi kiedi luta ko mfunu tsambudulu yo tueta vana Yehova
5. Mona khini mu bima bio bidi yeto kueta tunatina mamboti
Batu bawombo beta tomba ba zimbongo ziwombo. Vayi Bibila kikutukindisila tu ba mbueno yinkaka mu mambu matadidi zimbongo. Tanga 1 Timote 6:6-8 ayi vana mvutu mu kiuvu kiaki:
Bibila mbi kikutulonga tuvanga?
Mutu nioni widi zimbongo zifioti lenda kuandi ba mu mayangi. Tala VIDEO ayi vana mvutu mu kiuvu kiaki kilandikini.
Mambu mbi meta natina makanda mo tume tala mu video mayangi, kadiambu ko basi ko busila buwombo?
Mutu nio widi zimbongo ziwombo, lenda tomba baka zilutidi. Yesu wusudikisa ti mbueno yi phila yoyi, yidi vonza kinneni. Tanga Luka 12:15-21 ayi vana mvutu mu kiuvu kiaki:
Mambu mbi melonguka mu disolo dio Yesu katubidi?—Tala verse 15.
Tanga ayi dedikisa mayindu madi mu Zingana 10:22 ayi 1 Timote 6:10 ayi vana mimvutu mu biuvu biabi:
Kuidi ngeyo, mbi bilutidi mfunu wombo: ba nkundi Yehova voti ba zimbongo ziwombo? Bila mbi?
Mambu mbi maphasi lenda dengana ti tidi kaka baka zimbongo ziwombo?
6. Yehova wela dukisa zitsatu zieto
Mambu matadidi kisalu voti zimbongo malenda monisa keni tueta tudila Yehova ntima. Tala VIDEO muingi tumona phila mbi tulenda nungina zinzomono beni ziozi. Ayi vana mimvutu mu biuvu biabi bilandikini.
Mambu mbi maphasi khomba nioni kadengana?
Mbi katula mosi kamanunga?
Tanga Matayi 6:25-34 ayi vana mvutu mu kiuvu kiaki:
Tsila mbi Yehova kaveni kuidi batu bo bantula mambu mandi va buangu kitheti mu luzingu luawu?
BATU BANKAKA BETA TUBA TI: “Pfueti sala kuwombo muingi ndidikila dikanda diama. Ndiedi nunga ko kutakana mu zikhutukunu zioso zi kimvuka.”
Verse mbi yilenda kusadisa wukikinina ti, tula va buangu kitheti tsambudulu yi Yehova yidi nzengolo yilutidi mboti?
MU BUKHUFI
Kisalu ayi zimbongo, mfunu bidi vayi bilendi ko kutukakidila tusambila Yehova.
Phutukulu
Mbi bilenda kusadisa wuba mbueno yimboti mu mambu matadidi kisalu?
Mamboti mbi tulenda baka betu yangalala mu bima bio bidi yeto?
Bue wulenda monisina ti weta tula ntima mu tsila yoyi Yehova kaveni bisadi biandi yi ku bakipa?
TALA MAMBU MANKAKA
Bibila kinlonga ti ba zimbongo yidi mbimbi?
Makaba mo meta yangidika Nzambi.
“Biblia elobi nini na likambo etali kokaba?” (Lisolo oyo ezali na Internet)
Bula kipa ki zimbongo makiedika yisikuandi mbimbi ko?
Tala mambu mo masadisa muivi mosi nio weba bulanga kipa ki zimbongo muingi kanunga balula luzingu luandi.
“Nalingaki mingi masano ya mpunda.” (Linɔ́ngi ya Mosɛnzɛli ya 01/11/2011)