UMBUESÁ 10
Mayé reyumuatiri ramé Umbeusaitá irum Jeová resé upoderi uajudari indé?
Reyumuatiriwana será ta irum kuaitá Umbeusaitá Jeová resé? Ti rameré resú, amuramé indé resikié. Amuramé repurandú ne suí: ‘Maã usasá mamé ta uyumuatiriwaá? Marã importante yayumuatiri? Marã puranga ayumuatiri ta irum?’ Kuá umbuesá upé, resú reyumbué marã puranga indé arama asuí mayé repoderi reikú piri Deus ruakí reyumuatiri resewara.
1. Marã Umbeusaitá Jeová resé ta uyumuatiri?
Bíblia umbeu: “congregação upé alouvari Jeová.” (Salmo 26:12) Kuá versículo uxari yakuá marã yayumuatiri: yalouvari u yadorari arama Deus. Yawé arama Umbeusaitá Jeová resé ta uyumuatiri muíri semana ta uadorari arama Deus, ta uñheengari arama asuí ta uorari arama yuíri. Muíri akayú ta uyumuatiri yepé Conferência turusuwaá upé. Umbeusaitá Jeová resé ta ugustari retana ta uyumuatiri.
2. Maã resú reyumbué reyumuatiri ramé yané irum?
Yayumuatiri yayumbué arama Bíblia resé. Yaleri Deus Ñheenga asuí ‘yambué ta ukuá arama maã resé ta uleriwaá’. (Releri Neemias 8:8.) Ape resú reyumbué Jeová resé asuí isikusá resé. Reyumbué ramé piri Deus saisusá resé ne rupí resú repitá isuakí. Resú reyumbué mayé Aé upoderi uajudari reikú arama surí.— Isaías 48:17, 18.
3. Marã puranga reconheceri amú miraitá reyumuatiri ramé?
Jeová umbeu ‘yarikuté yamanduári puranga amuitá irum, yayugustari arama puranga, ti yapoderi ti maã resé yandé isuí kuá yayumuatiriwaá upé’. (Ebreoitá 10:24, 25) Reyumuatiri ramé, resú remaã miraitá ta uyupreocupariwaá supí amuitá rupí. Ape, resú resendú miraitá ta umbeu maã purangawaá Bíblia resé. (Releri Romawaraitá 1:11, 12.) Mayé ne yawé, aintá ta uputari ta uyumbué piri Deus resé. Asuí yuíri resú remaã siya miraitá ta uviveriwaá surí até ta usasá ramé iwasuwaá rupí. Yawewaá resewara Jeová uputari yandé yayumuatiri arama!
REYUMBUÉ PIRI ARAMA
Resikari rekuá maã usasá mamé Umbeusaitá Jeová resé ta uyumuatiri. Remaã yuíri marã puranga reyuesforçari reyumuatiri arama ta irum.
4. Rekuá maã usasá Umbeusaitá Jeová resé ta uyumuatiriwaá upé
Jesus apóstoloitá tempo ramé kuera, cristãoitá ta usikari ta uyumuatiriwara ta uadorari arama Jeová. (Romawaraitá 16:3-5) Peleri Kolosowaraitá 3:16. Ariré pekuntari kuá resé:
Apóstoloitá tempo ramé kuera, mayé cristãoita ta uadorari Jeová?
Yané tempo upé Umbeusaitá Jeová resé ta usikari ta uyumuatiriwara yuíri ta uadorari arama Deus. Rekuá arama maã usasá ta uyumuatiri ramé, pemaã kuá VÍDEO. Ariré pemaã kuá rangá ta uyumuatiri ramé asuí pekuntari kuá resé:
Kuá vídeo upé, indé resú remaã maã usasá mamé yayumuatiriwaá. Maã indé remaã yepewasú kuá vídeo upé yaleriwaá irum Kolosowaraitá 3:16 upé?
Kuá vídeo upé asuí kuá rangá upé, maã indé regustari remaã suí yayumuatiriwaá upé?
Peleri 2 Korintowaraitá 9:7. Ariré pekuntari kuá resé:
Marã Umbeusaitá Jeová resé ti ta upurandú dinheiro ta uyumuatiri ramé?
Ne umbuesara irum remaã maã usú usasá ta uyumuatiri ramé amú semana.
Maã remaã puranga reyumuatiri ramé?
Rekuáwana kuá resé?
Site upé jw.org, resú rewasemu ma hora asuí mamé yayumuatiri pañhe kuá mundo upé.
Yayumuatiri ramé yasendú discursoitá, ta ukuntari asuí yamaã vídeoitá. Yañheengari asuí yapurandú Deus irum yayupirũ ramé asuí yambawa ramé.
Yepeyepé parte upé awá uputari upoderi ukuntari.
Pañhe awá upoderi uyumuatiri yané irum: apigaitá, kuñhãitá, tuyuwéwaitá asuí taínaitá.
Mairamé Umbeusaitá Jeová resé ta uyumuatiri, ne awá upurandú dinheiro.
5. Yaprecisari yamuñhã esforço yayumuatiri arama
Remaã Jesus anama rangá. Muíri akayú ta usú Nazaré suí Jerusalém kití ta uyumuatiri arama. Ti iwasuíma aintá supé, ñhãsé ta uprecisari ta uwatá 100 quilômetro, u musapiri ara, maã rupí aikuewaá siya iwitera. Peleri Luka 2:39-42. Ariré pekuntari kuá resé:
Indé arama ta uprecisari será ta umuñhã esforço ta uviajari arama?
Marã amuramé resú reprecisari remuñhã esforço reyumuatiri arama?
Yawewaá suité será puranga indé arama? Marã?
Bíblia umbeu importante yayumuatiri amuitá irum yadorari arama Jeová. Peleri Ebreoitá 10:24, 25. Ariré pekuntari kuá resé:
Marã yarikuté yayumuatiriwara?
YEPEYEPÉ MIRAITÁ TA UMBEU: “Ti reprecisari reyumuatiri amuitá irum readorari arama Deus. Repoderi añhũ releri Bíblia ne pesúa.”
Mayewaá Bíblia rangá u Bíblia versículo uxari yakuá maã Jeová umanduári kuá resé?
MAÃ REYUMBUÉ
Reyumuatiri ramé uajudari reyumbué piri arama Jeová resé asuí remukirimbá arama ne amizade irum. Asuí yuíri reyumuatiri ramé resú readorari Deus amú miraitá irum.
Remanduári arama
Marã Jeová uputari yayumuatiri arama?
Maã resú reyumbué reyumuatiri ramé Umbeusaitá irum Jeová resé?
Marã xinga upoderi uajudari indé reyumuatiri ramé?
REPUTARI SERÁ REKUÁ PIRI?
Resikié xinga será reyumuatiri arama yané irum? Usasá kuayé yepé apigá irum. Remaã mayé uyupirũ ugustari uyumuatiri.
Remaã marã yepé kurumĩwasú ugustari uyumuatiri asuí maã umuñhã ti arama uxari uyumuatiri.
Remaã maã amú miraitá ta umbeu ta uyumuatiriwaá resé.
“Marã puranga yayumuatiri Umbeusaitá Jeová resé ta irum?” (Artigo do jw.org)
Remaã yepé apigá resé ugustariwaá kuera umaramuñha asuí uyumuatiri yepé bando irum puxiwerawaá. Remaã mayé utrocari ivida uyupirũ riré uyumuatiri Umbeusaitá irum Jeová resé.
“Awatáwara kuera se mukawa irum” (A Sentinela, 1.º de julho de 2014)