UMBUESÁ 11
Mayé repoderi reyumbué puranga piri releri ramé Bíblia?
Iwasú será resaã reyupirũ arama remuñhã yepé maã iwasuwaá? Upitá arama iwasuíma xinga, amuramé reprecisari remuñhã yepeyepé parte muíri ara. Yaweté repoderi remuñhã releri ramé Bíblia. Amuramé repurandú: ‘Mayé apoderi ayupirũ?’ Kuá umbuesá upé, yasú yamaã yepeyepé maã umuñhãwaá iwasuíma xinga repoderi arama regustari releri asuí reyumbué Bíblia resé.
1. Marã rerikuté releri Bíblia muíri ara?
Awá uleri Bíblia, u “Jeová lei”, usú uyusaã surí. (Releri Salmo 1:1-3.) Reyupirũ releri Bíblia yepeyepé minuto upé. Mairamé regustari piri Deus Ñheenga resé, resú regustari piri releri Bíblia.
2. Mayé repoderi reyumbué puranga releri pukusá Bíblia?
Yayumbué arama puranga Bíblia resé, yaprecisari ‘yamanduári’ maã resé yaleriwaá. (Josué 1:8, nota) Yaprecisari yayuka tempo yaleri arama asuí yamanduári arama. Releri ramé Bíblia, repurandú ne suí: ‘Maã ayumbué Jeová resé? Mayé apoderi amuñhã kuayé se vida upé? Mayé apoderi ausari maã aleriwaá ajudari arama amú miraitá?’
3. Mayé repoderi reyuka tempo releri arama Bíblia?
Iwasú será reyuka tempo releri arama Bíblia? Siya miraitá supé, iwasú. Ma resikari ‘reusari puranga ne tempo’. (Efezowaraitá 5:16) Repoderi reyuka yepé tempo muíri ara releri arama Bíblia. Yepeyepé miraitá ta ugustari ta uleri Bíblia kuemeté. Amuitá ta ugustari ta uleri Bíblia karuka ramé. Asuí amuitá ta ugustari ta uleri Bíblia pituna ramé, ta ukiri rundé. Ma hora será puranga piri indé arama releri arama?
REYUMBUÉ PIRI ARAMA
Remaã mayé repoderi regustari releri Bíblia. Asuí mayé repoderi reyupreparari puranga reyumbué arama releriwaá resé Bíblia upé.
Indé repoderi reyupirũ regustari yepé timbiú tirewaá rembaú. Ape repoderi regustari releri Bíblia
4. Mayé repoderi regustari releri Bíblia
Supité amuramé ti iwasuíma reyupirũ arama releri Bíblia. Ma remaã mayé repoderi ‘resikari kirimbá’, u , resikari regustari releri Bíblia. Mayé reyupirũ ramé regustari yepé timbiú tirewaá rembaú. Peleri 1 Pedro 2:2. Ariré pekuntari kuá resé:
Indé arama será releri ramé Bíblia muíri ara, uajudari será kurí regustari arama releri aé?
Pemaã kuá VÍDEO asuí pemaã maã yepeyepé miraitá ta umuñhã ta ugustari arama ta uleri Bíblia. Ariré pekuntari kuá resé:
Kuá vídeo upé, maã iwasuwaá umuapatuka pisasuwaitá ta uleri arama Bíblia?
Maã uajudari aintá ti arama ta uxari ta uleri Bíblia muíri ara?
Maã aintá ta umuñhã ta ugustari arama ta uleri Bíblia?
Maã repoderi remuñhã:
Resikari yepé Bíblia iwasuímawaá releri arama. Aikué kuá Tradução do Novo Mundo, siya ñheenga rupí.
Reyupirũ releri maã regustari piriwaá resé. Remaã mayé kuá quadro upé “Reyupirũ arama releri Bíblia.”
Remupinima maã resé releriwaá Bíblia upé. Remuñhã arama kuayé reusari kuá quadro “Remanduári será mamé repituú?”.
Reusari kuá aplicativo JW Library®. Ape repoderi releri asuí resendú Bíblia ne celular upé, ne tablet upé u ne computador upé.
Reusari kuá apêndiceitá Tradução do Novo Mundo upé. Ape aikué mapaitá, tabelaitá asuí yepé dicionário. Kuaitá usú uajudari regustari arama releri Bíblia.
5. Reyupreparari reyumbué arama Bíblia
Peleri Salmo 119:34. Ariré pekuntari kuá resé:
Marã puranga repurandú Deus irum releri rundé Bíblia u reyupreparari rundé reyumbué arama Bíblia upé?
Mayé repoderi reyumbué puranga pañhe kuá umbuesaitá? Reyupreparari ramé resikari remuñhã kuayé:
Releri kuá umbuesá parágrafoitá.
Releri Bíblia versículoitá asuí resikari rekuá maã aintá umbué kuá umbuesá resé.
Remarcari maã usuaxarawaá. Kuá usú uajudari rekuntari arama awá irum umbuewaá uikú indé.
Rekuáwana será kuá resé?
Umbeusaitá Jeová resé ta usari kuera siya Bíblia. Ma yagustari piri yausari kuá Tradução do Novo Mundo da Bíblia Sagrada ñhãsé aé satambika, iwasuíma yaentenderi arama asuí usari Deus rera retewaá.— Remaã site upé “Será Umbeusaitá Jeová resé ta usari yepé Bíblia amurupité?”
YEPEYEPÉ MIRAITÁ TA UMBEU: “Ti iwasuíma ayumbué arama Bíblia resé. Asuí se kueré apurakí resewara ara pukusá.”
Maã remanduári kuá resé?
MAÃ REYUMBUÉ
Reyumbué arama puranga piri Bíblia resé reyuka tempo releri arama aé, repurandú Deus irum reentenderi arama maã resé releriwaá asuí reyupreparari puranga rundé.
Remanduári arama
Maã usú uajudari reyumbué arama puranga piri Bíblia resé?
Mairamé repoderi reyuka tempo releri asuí reyumbué arama Bíblia resé?
Marã puranga reyupreparari reyumbué rundé Bíblia?
REPUTARI SERÁ REKUÁ PIRI?
Remaã mayé repoderi regustari releri.
“Mayé yapoderi yagustari yaleri Bíblia?” (A Sentinela, n.º 1 de 2017)
Remaã musapiri maã uajudariwaá releri arama Bíblia.
“Mayé Bíblia upoderi uajudari ixé?— Yepesá parte: Rekuá puranga piri Bíblia resé” (Artigo do jw.org)
Rekuá arama mayé repoderi regustari releri Bíblia.
Remaã yepeyepé maã uajudariwaá miraitá ta uleri arama Bíblia siya akayú.