Cani chitiidiʼ lu guendaridagulisaa stiʼ dxiiñaʼ stinu

Semana 9 stiʼ enero

Diidxaʼ riuundaʼ 10

10 min. Cani chiguieeteʼ stiʼ binni ridagulisaa. Biquiiñeʼ cani zeeda lu yaza 8 o xcaadxi modo ni jma ganda iquiiñeʼ neza ra rucheechenu diidxaʼ para utiidiluʼ chupa modo zanda usaananu revista, tobi ne La Atalaya 15 stiʼ enero ne stobi ne ¡Despertad! stiʼ enero. Tobi de laacani aca ora cucheechecabe diidxaʼ ra ridoo.

20 min. Maʼ gadxé modo chiguiree revista ¡Despertad! Libana ne zanda icabi cani cucaadiaga. Uníʼ xii nga cani bidxaa lu revista ca casi bizeeteʼ Xhiiñaʼ Reinu ni Rúninu stiʼ marzo 2005, primé yaza, párrafo 5 ne 6. Uníʼ xiixa ni cá lu carta «Para cani ruundaʼ revista riʼ» stiʼ ¡Despertad! enero 2006, yaza 3 ne 4. Bizeeteʼ chupa chonna ejemplu de ximodo rucaa revista ca binni guʼndaʼ Biblia. Gudxi laacabe iníʼcabe ximodo bidxaa yaza 31 stiʼ revista ca. Zusaananérunu binni revista La Atalaya ne ¡Despertad! ora inínenu laaca primé biaje. Peru ca binni ni maca risaananu revista ra nuu ne cani ricaa ca revista ca gatigá la? zusaananenu laacabe ti revista ¡Despertad! si. Zanda uzeeteluʼ ximodo usaananu revista ¡Despertad! stiʼ enero 2006 ra iquiiñeluʼ ni zeeda lu Xhiiñaʼ Reinu ni Rúninu stiʼ diciembre 2005, yaza 8.

15 min. «Libru Xipeʼ ndiʼ cusiidiʼ Biblia: laani nga ti libru ni jma zaquiiñenu para usíʼdinu binni de Biblia.»a Gudxi laacabe pabiáʼ galán nga iquiiñecabe libru riʼ para uzulú guʼndanécabe binni de Biblia.

Diidxaʼ riuundaʼ 125 ne oración iluxeneni.

Semana 16 stiʼ enero

Diidxaʼ riuundaʼ 178

5 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Gudxi irácabe gúʼyacabe videu Asistencia médica sin transfusiones. Necesidades y derechos del paciente ti gánnacabe xidé chiguiuundaʼ lu Guendaridagulisaa stiʼ Dxiiñaʼ Stinu ni chigaca raríʼ xhupa semana.

20 min. «Ximodo zanda usaananenu binni libru Xipeʼ ndiʼ cusiidiʼ Biblia.» Libana ni ne zanda icabi cani cucaadiaga. Luni zahuinni ximodo zanda iquiiñeʼ cani zeeda lu yaza 3 stiʼ guiʼchiʼ ni rizaané Xhiiñaʼ Reinu ni Rúninu riʼ. Maʼ zanda iquiiñenu libru Xipeʼ ndiʼ cusiidiʼ Biblia para uzulú gúʼndanenu ca binni ni riuulaʼdxiʼ iziidiʼ. Bitiidiʼ chonna modo zanda ácani. Primé iquiiñeʼ yaza 4 ne 5; lu iropa iquiiñeʼ yaza 6, ne lu guionna iquiiñeʼ primé párrafo ni zeeda lu yaza 7 para uzulú guʼndanécabe binni Biblia ora ibiguetaʼ chigánnacabe laa sti biaje. Ante tiidiʼ cada tobi de laacani bizeeteʼ cani jma zaquiiñenu ni chiguieeteʼ luni; tiidiʼ si cani bibiguetaʼ uníʼ de laacani. Zanda aca cani biaʼ tiempu ni ganda iquiiñeʼ para uluíʼcabe modo guiuundaʼ ca párrafo. Ora iluxe cada tobi de laacani la? ni rucheeche diidxaʼ ca zaguixhe ti dxi para ibiguetaʼ sti biaje.

20 min. «Cani nahuiiniʼ zeeda ácacaʼ casi ti biaaniʼ.»b Unabaʼ chupa chonna de cani nahuiiniʼ iniʼcaʼ xi huayúnicaʼ para ucheechecaʼ diidxaʼ ra scuela. Dede ante zanda uyúbiluʼ tobi o chupa de laacabe para iníʼcabe.

Diidxaʼ riuundaʼ 107 ne oración iluxeneni.

Semana 23 stiʼ enero

Diidxaʼ riuundaʼ 60

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni maʼ bidiitu. Biquiiñeʼ cani zeeda lu yaza 8 o xcaadxi modo ni jma ganda iquiiñeʼ neza ra rucheechenu diidxaʼ para uluiʼluʼ chupa modo zanda usaananu revista, tobi ne La Atalaya 1 stiʼ febrero ne stobi ne ¡Despertad! stiʼ febrero. Tobi de laacani utiidiʼ ti hombrehuiiniʼ.

15 min. Ni caquiiñeʼ binni ridagulisaa.

20 min. «Usihuínninu rizaláʼdxinu binni ra inabadiidxanu ne ucaadiáganu laacaʼ.» Ora guiuundaʼ párrafo 2 unabaʼ cani cucaadiaga iniʼcaʼ xi rinabadiidxacaʼ binni ora uzulú iníʼnecaʼ laacabe ne chuláʼdxicabe ucaadiágacabe laacaʼ. Bitiidiʼ ti modo ácani ra ihuinni cacabi binni ca ora inabadiidxacabe laa xiixa sin idxiichi ne ucaadiágacabe laa.

Diidxaʼ riuundaʼ 205 ne oración iluxeneni.

Semana 30 stiʼ enero

Diidxaʼ riuundaʼ 197

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu enero. Bizeeteʼ cani zanda usaananenu binni beeu febrero ne bitiidiʼ ti modo zanda ácani.

15 min. Maʼ nexheʼ chaahuiʼ ximodo rúninu xhiiñaʼ Jiobá. Libana ni ne zanda icabi cani cucaadiaga ne zeeda ni lu yaza 4 dede 7 stiʼ libru Organizados para hacer la voluntad de Jehová. Ca diidxaʼ uzuluneluʼ cadi indaa cani jma de chonna minutu ne biquiiñeʼ yaza 4 para guʼnuʼ ni, de racá biindané laacabe yaza 5 dede subtítulo stiʼ yaza 7. Lu xcaadxi Guendaridagulisaa stiʼ Dxiiñaʼ Stinu ziuundaruʼ xhupa xhonna ndaa stiʼ libru Organizados.

20 min. «Ti videu ni rusihuinni pabiáʼ risaca ni racalaʼdxiʼ ca doctor ca gúnicaʼ yanna.» Biindaʼ Hechos 15:28, 29 ne uníʼ, nabé risaca rini para Dios, ne nga nga razón ni jma nadipaʼ napa ti xpinni Cristu para cadi icá rini ne purtiʼ racalaʼdxiʼ uzuubaʼ stiidxaʼ Dios. De racá biquiiñeʼ ca endarinabadiidxaʼ né guiʼchiʼ ca para gúʼndatu videu Necesidades y derechos del paciente. Biindaʼ últimu párrafo stini para ilúxeluʼ.

Diidxaʼ riuundaʼ 45 ne oración iluxeneni.

Semana 6 stiʼ febrero

Diidxaʼ riuundaʼ 74

10 min. Cani chiguieeteʼ stiʼ binni ridagulisaa.

25 min. Gunibiáʼ chaahuinu libru cubi ni nápanu ti ganda usíʼdinu binni. Libana ni ne zanda icabi cani cucaadiaga. Unabaʼ cani cucaadiaga iniʼcaʼ xi jma riuuláʼdxicaʼ de libru cubi Xipeʼ ndiʼ cusiidiʼ Biblia, casi ca endarinabadiidxaʼ ni zeeda ra ruzulú ti capítulo ne cuadru ni cuzeeteʼ cani jma risaca ni cusiene cada capítulo (yaza 106, 114); ca cuadru ni zanda acané binni guiene ora guʼndaʼ ni (yaza 122, 123, 147, 198), ne apéndice stini (yaza 197, párrafo 1, 2). Modo ucuá libru ca nabé galán ni ne stale binni ziuulaʼdxiʼ guʼndaʼ ni (yaza 12, párrafo 12). Cadi nagana diʼ modo rusiéneni ni na Biblia (yaza 58, párrafo 5) ne laaca neni ejemplu para uchaagani xiixa ne usiéneni (yaza 159, párrafo 12). Ca primé yaza stini zacané cani laanu ti ganda uzulú gúʼndanenu binni Biblia (yaza 3-7). Bitiidiʼ tuuxa para usihuinni ximodo iquiiñeʼ cuadru ni cá lu yaza 7 ra chigánnabe tuuxa ni nacubi cayuundanebe Biblia. Bizeeteʼ ca cosa galán ni huazaacatu ra biquiiñetu libru cubi ca.

10 min. Cani raca precursor auxiliar ricaacaʼ stale ndaayaʼ (Pro. 10:22). Unabaʼ cani uca precursor auxiliar iza udiʼdiʼ ca iniʼcaʼ xi bíʼnicaʼ para gunda úcacaʼ precursor, gudxi laacabe iníʼcabe xi ndaayaʼ ne endanayecheʼ gúpacabe pur laani. Gudxi irácabe gúʼyacabe pa zanda ácacabe precursor auxiliar beeu marzo, abril o mayo, ne iniʼnécabe Jiobá para ganda acané laacabe.

Diidxaʼ riuundaʼ 16 ne oración iluxeneni.

[Ni cá ñee yaza]