Cani chiguietenaláʼdxinu stiʼ Scuela stiʼ cani Rucheeche Diidxaʼ
Ca guendarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 28 stiʼ agosto 2006. Binnigola ni rutiidiʼ scuela ca zaquiiñebe treinta minutu para guietenaláʼdxinebe cani cucaadiaga ni biuundaʼ lu ca libana ni gudiʼdiʼ semana 3 stiʼ julio dede 28 stiʼ agosto 2006. [Laguuyaʼ: Pa cadi cá paraa guyúbitu cani canabadiidxaʼ ni la? naquiiñeʼ cada tobi guʼndaʼ ne guyubi ti guidxela xi guicabi (biindaʼ ca yaza 36, 37 stiʼ Benefíciese).]
MODO GUINIʼLUʼ JNÉZAPEʼ
1. Ora gúʼyadxinu lú binni ni caninenu, ximodo zacané nga laanu gusíʼdinu jma jneza yaʼ (Mat. 19:25, 26; Hech. 14:9, 10) [be yaza 124 § 3–yaza 125 § 2].
2. Ora maʼ caninenu ti binni, xiñee naquiiñeʼ gúninu ni casi ora maʼ caninu diidxaʼ yaʼ, ne ximodo zanda gúninu ni ora maʼ canagucheechenu diidxaʼ [be yaza 128 § 1-5 ne cuadru].
3. Xiñee naquiiñeʼ guihuínninu nayá [be yaza 131 § 1-3].
4. Xi zabeendunu pa gácunu lari jneza ne guzuchaahuinu ne guendabiaaniʼ yaʼ (1 Tim. 2:9) [be yaza 131 § 4–yaza 132 § 1].
5. Xi ca conseju zeeda lu Biblia naquiiñeʼ chinándanu para cadi gusihuínninu pur modo ruzuchaahuinu riuuláʼdxinu gúninu casi runi binni guidxilayú [be yaza 133 § 2, 3].
PRIMÉ LIBANA
6. Xii nga jma zabeendunu pa guidúʼndanu yaʼ [be yaza 21 § 3].
7. Xi rusihuinni pa nuu xpiaaniʼ ti binni o nahuati (Pro. 14:2) [w04 15/11 yaza 26 § 5].
8. Xiñee zanda guininu binni riene qué raca nagana para laa guiziidiʼ (Pro. 14:6) [w04 15/11 yaza 28 § 4, 5].
9. Xi nga naquiiñeʼ gúninu ora maʼ cadúʼndanu [be yaza 27 § 3].
10. Ora guiníʼ íquenu de cani bizáʼ Jiobá, xi zucaani laanu gúninu yaʼ [w04 15/11 yaza 8 § 4].
BIAʼ RA BIUUNDAʼ BIBLIA TI SEMANA
11. Xi biʼniʼ mandar Jiobá dxiqué ne ngue bicaa stale gunaa guiniʼcaʼ de ca «diidxaʼ nacubi ne galán». Ne ximodo cayacani yanna (Sal. 68:11).
12. Xiñee bilá nusaana Asaf de ñuni ni jneza. Xi gucané laabe para bichaabe modo guníʼ íquebe yaʼ (Sal. 73:2, 3, 17).
13. Xiñee biree lá maná ni gucuaa ca israelita que «biidxiʼ de guibáʼ» ne «pan stiʼ cani nadipaʼ» yaʼ (Sal. 78:24, 25).
14. Xii nga «lugar ra nagaʼchiʼ stiʼ Ni Nuu Jma Luguiáʼ», ne ximodo zanda chuʼnu racá (Sal. 91:1, 2).
15. Ximodo ndiʼ guizáʼ sicarú ruuyaʼ Jiobá ora gati ti binni ni bizuubaʼ stiidxabe (Sal. 116:15).