Ni chitiidiʼ lu guendaridagulisaa de chupa gubidxa
Ca binni nuu lu guidxilayú riʼ racaláʼdxicaʼ guni crenu qué zanitilú modo nabánicaʼ, peru Stiidxaʼ Dios gadxé modo rusiidiʼ (1 Juan 2:15-17). Ne laaca rabi ni laanu cadi jneza diʼ nga guyúbinu gápanu cosa risaca ndaaniʼ Guidxilayú riʼ. Guendaridagulisaa de chupa gubidxa ni chigaca lu iza 2007 ni chiguiree lá «Laguyubi gapa tu ni risaca ibáʼ» zacaneni xquidxi Dios chuʼ naguidxi (Mat. 6:19, 20).
Lu Efesios 2:2 rieeteʼ de bi ni runi mandar binni, nga nga stipa ni rucaa binni cadi guzuubaʼ diidxaʼ. Tobi de ca cosa ni rucaani binni guni nga, guicá ique gapa jma bidxichi. Cásica bi ni ricaanu para guibáninu nuuni guiráʼ ladu, zacaca nga guiráʼ ladu nuu «espíritu sti binni guidxilayú». (1 Cor. 2:12). Cumu rucaani binni guni xiixa la? nga runi, Biblia na «runi mandar» ni. Ni chitiidiʼ lu guendaridagulisaa de chupa gubidxa ca zacaneni laanu cadi gácanu casi ca binni ni ricá ique gapa puru si bidxichi ne laaca zacaneni laanu cadi gusaananu de gúninu cani naquiiñeʼ gaca primé (Mateo 6:33). Ne zucaani laanu cadi gusaananu de guyúbinu Jiobá, neca guidxaagalunu guendanagana ne chuʼ tu gucaalú laanu ora maʼ canagucheechenu diidxaʼ.
Biʼniʼ stipa pur cheluʼ guiropaʼ gubidxa stiʼ guendaridagulisaa riʼ ne gucaadiaga chaahuiluʼ guiráʼ ni chiguieeteʼ racá (Heb. 2:1). Bicaa cani zacané lii lu xquendanabániluʼ ne ni zacané lii gucheecheluʼ diidxaʼ. Pa chuʼluʼ dede ora guzulú ne guiluxe guendaridagulisaa de chupa gubidxa ni zacané lii guiziidiluʼ jma de Stiidxaʼ Dios riʼ la? zacaneni lii guzuhuaa dxiichiluʼ lu Stiidxaʼ Dios ne qué zusaana de gápaluʼ ni risaca guibáʼ.