Cani chitiidiʼ lu guendaridagulisaa stiʼ dxiiñaʼ stinu

Semana 14 stiʼ enero

Diidxaʼ riuundaʼ 41

10 min. Cani chiguieeteʼ stiʼ ca binni ridagulisaa. Bitiidiʼ chupa modo zanda gusaananu revista, tobi ne Torre stiʼ ni rapa stiʼ enero-marzo ni cá primé lu yaza 8 stiʼ Xhiiñaʼ Reinu ni Rúninu riʼ ne stobi ne ¡Despertad! stiʼ enero.

15 min. «Cadi gunítiluʼ tiempu ora maʼ zigucheecheluʼ diidxaʼ.»a Gunabadiidxaʼ ti bíchinu ni nanna guni guendaridagulisaa ante chigucheechetu diidxaʼ. Xi rúnibe para ganda gúnibe ni jneza ne xi rúnibe para cadi gunítibe tiempu stibe ora maʼ zigucheechebe diidxaʼ.

20 min. «Lagüíʼ diidxa jneza, ni guiaba binni.»b Ora chindaluʼ lu párrafo 2, biindaʼ Juan 4:7-15, 39.

Diidxaʼ riuundaʼ 85

Semana 21 stiʼ enero

Diidxaʼ riuundaʼ 215

10 min. Cani chiguieeteʼ stiʼ ca binni ridagulisaa. Bizeeteʼ cani zanda gusaananenu binni beeu febrero ne bitiidiʼ ti modo zanda gácani. Guluu gana cani cucaadiaga ti gúʼyacaʼ videu ni láʼ Asistencia médica sin transfusiones. Necesidades y derechos del paciente ti ganda guicábicaʼ lu Guendaridagulisaa stiʼ Dxiiñaʼ Stinu ni chigápanu semana 4 stiʼ febrero.

10 min. Ñee caquiiñeluʼ folletu Guidúʼndanu Stiidxaʼ Dios guiráʼ dxi la? Libana ni ne zanda guicabi cani cucaadiaga ne zeedani ra na «Ca diidxaʼ ruzuluneni» stiʼ folletu Guidúʼndanu Stiidxaʼ Dios guiráʼ dxi 2008. Bizeeteʼ xiñee galán cueenu ti tiempu huiiniʼ guiráʼ dxi para guidúʼndanu textu stini ne ni cayeeteʼ de laani. Zanda gábiluʼ dede ante tobi o chupa de cani rucheeche diidxaʼ guiniʼcaʼ pora ruundacaʼ folletu ca ne xi huabeenducaʼ pur rúnicaʼ ni. Maʼ para guilúxeluʼ bisiene textu stiʼ iza 2008.

25 min. «Gusiidiʼ chaahuinu binni ca diidxaʼ nacubi ne galán stiʼ Dios.» (Párrafo 1-10.) Gutiidiʼ binnigola ni ruuyaʼ modo rireeche diidxaʼ ni. Bitiidiʼ ne gunabadiidxaʼ tobi o chupa ni rucheeche diidxaʼ ni guca precursor auxiliar udubiza neca nápacaʼ xiixa guendahuará o gúpacaʼ stale dxiiñaʼ. Xi bíʼnicabe para gunda gúcacabe precursor. Xi guleendúcabe. Ora chindaluʼ lu párrafo 7, guníʼ pora chigápatu guiráʼ ca guendaridagulisaa ante chigucheechetu diidxaʼ stiʼ ca beeu marzo, abril ne mayo.

Diidxaʼ riuundaʼ 177

Semana 28 stiʼ enero

Diidxaʼ riuundaʼ 52

10 min. Cani chiguieeteʼ stiʼ ca binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu enero. Biindaʼ ca guiʼchiʼ ra cá pagala nápatu ne ca guiʼchiʼ ni ruseendaʼ Betel ra cá pagala biseendatu. Bizeeteʼ ni na Torre stiʼ ni rapa enero-marzo stiʼ 2008, de racá biiyané cani cucaadiaga ni zeeda lu ¡Despertad! stiʼ febrero. Ne chupa chonna diidxaʼ guníʼ xi caníʼ cada tobi de ca revista ca, de racá gunabadiidxaʼ cani cucaadiaga xi tema rábicabe ziuulaʼdxiʼ binni neza ra rucheechetu diidxaʼ ne xiñee rábicabe ziuulaʼdxiʼ binni ni. Gunabaʼ laacabe guiníʼcabe xi gudixhe íquecabe guiníʼnecabe binni. Xi zanda guinabadiidxacabe binni para guzulú guiniʼnécabe laacaʼ diidxaʼ. Xi textu ni zeeda lu tema ca zanda gúʼndacabe. Ximodo nusiénecabe textu ca ne ni na tema ca. Biluíʼ ximodo ñanda nusaananécabe binni revista Torre stiʼ ni rapa enero-marzo ni zeeda lu guionna ni cá lu yaza 8 ne ¡Despertad! stiʼ febrero.

20 min. «Gusiidiʼ chaahuinu binni ca diidxaʼ nacubi ne galán stiʼ Dios.» (Párrafo 11-17.) Ora chindaluʼ lu párrafo 14, bidii guiráʼ cani cucaadiaga ti invitación, pa maʼ nápatu, ni zaguíʼzinu ante guietenaláʼdxinu guendaguti stiʼ Jesús ne bizeeteʼ ximodo zareeche diidxaʼ ca dxi ca.

15 min. «Gucané cani ruundaneluʼ Biblia ti gucheechecaʼ diidxaʼ.» Pa gudii tiempu la? gunabaʼ cani cucaadiaga gúʼndacaʼ ne guiniʼcaʼ xiná ca textu ni zeeda lu guiʼchiʼ riʼ.

Diidxaʼ riuundaʼ 22

Semana 4 stiʼ febrero

Diidxaʼ riuundaʼ 161

10 min. Cani chiguieeteʼ stiʼ ca binni ridagulisaa. Biindané laacabe Ndaa Ra Rinabadiidxaʼ.

10 min. Ni caquiiñeʼ ca binni ridagulisaa.

25 min. «Ñee cusaanuʼ ni para sti ora la?» Gudii ti binnigola ni. Bizuluca gunabadiidxaʼ ni bíʼyatu lu videu Necesidades y derechos del paciente ne zanda iquiiñeluʼ ca guendarinabadiidxaʼ zeeda lu tema ca. Biindaʼ últimu párrafo ca ora guilúxeluʼ ne guluu gana cani cucaadiaga guʼndaʼ chaahuicaʼ La Atalaya ne Xhiiñaʼ Reinu ni Rúninu ni cayeeteʼ racá. Gudxi ca bíʼchinu ne ca bizáʼnanu ni caʼruʼ guchá DACP sticaʼ zanda iquiiñecaʼ ni rizaané Xhiiñaʼ Reinu ni Rúninu stiʼ noviembre 2006 ti gánnacaʼ dede ante modo iquiiñeʼ doctor rini sticaʼ ne xi remediu ni qué gapa rini zanda guicaacaʼ ne ximodo zanda guchacaʼ guiʼchiʼ sticaʼ. Cani maʼ bichá DACP stiʼ zándaca gacaláʼdxicaʼ gúʼyacaʼ pa biaʼsi guiráʼ ni bicaacaʼ lu guiʼchiʼ sticaʼ, pacaa la? zanda guchácabe ni sti biaje.

Diidxaʼ riuundaʼ 4

[Ni cá ñee yaza]