Cani chitiidiʼ lu guendaridagulisaa stiʼ dxiiñaʼ stinu

Semana 14 stiʼ abril

Diidxaʼ riuundaʼ 183

10 min. Cani chiguieeteʼ stiʼ ca binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ ximodo zanda gusaananu revista Torre stiʼ ni rapa stiʼ abril-junio ne ¡Despertad! stiʼ abril casi modo zeeda lu yaza 8, o xcaadxi modo rúnitu ora rucheechetu diidxaʼ.

15 min. «Lagudii xquíxepeʼ Dios.»a Pa gudii tiempu la? gunabaʼ cani cucaadiaga gúʼndacaʼ ni na ca textu ni zeeda lu tema riʼ.

20 min. «Quixhedxinu ladxidóʼ cani guti ti binnilidxi.»b Gunabaʼ cani cucaadiaga guiniʼcaʼ xiixa ni bizaacacaʼ ora gudixhedxicaʼ ladxidóʼ tuuxa binni ni guti binnilidxi.

Diidxaʼ riuundaʼ 42

Semana 21 stiʼ abril

Diidxaʼ riuundaʼ 217

10 min. Cani chiguieeteʼ stiʼ ca binni ridagulisaa.

15 min. «Qué ziuu dxi gusaana Jiobá laanu.» Libana ni, zeedani lu La Atalaya 15 stiʼ octubre 2005, yaza 8 dede 11.

20 min. «Cadi gusaananu de guizíʼdinu modo gucheechenu diidxaʼ jma jneza.» Ora gúʼndaluʼ párrafo 3, bizeeteʼ ni zeeda lu libru Benefíciese, yaza 6 dede 8, ra na «Biziidiʼ biaʼ gándatiʼ».

Diidxaʼ riuundaʼ 11

Semana 28 stiʼ abril

Diidxaʼ riuundaʼ 55

15 min. Cani chiguieeteʼ stiʼ ca binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu abril. Despué de guzeeteluʼ chupa chonna de cani zeeda lu revista Torre stiʼ ni rapa stiʼ abril-junio ne ¡Despertad! stiʼ mayo, gunabadiidxaʼ cani cucaadiaga guiniʼcaʼ xi tema ziuulaʼdxiʼ ca binni nabeza neza rucheechecaʼ diidxaʼ ne xiñee. Gunabaʼ laacabe guníʼcabe ximodo cá íquecabe gusaananécabe binni ca revista ca. Xi zanda guinabadiidxanu binni para guzulú guinínenu laacaʼ Stiidxaʼ Dios. Xi textu zeeda lu tema ca zanda guluinu laacabe. Ximodo zanda guchaaganu ni ne tema ca. Bitiidiʼ ti modo zanda gusaananenu binni ca revista ca; gácani casi zeeda lu guiʼchiʼ ni rizaané Xhiiñaʼ Reinu ni Rúninu o sti modo jma jneza gácani neza ra rucheechenu diidxaʼ.

10 min. Ndaa ra rinabadiidxaʼ. Zanda guicabi cani cucaadiaga lu tema riʼ.

20 min. «Laguni casi biʼni Cristu.» Pa gudii tiempu la? gunabaʼ cani cucaadiaga gúʼndacaʼ ni na ca textu ni zeeda lu tema riʼ.

Diidxaʼ riuundaʼ 65

Semana 5 stiʼ mayo

Diidxaʼ riuundaʼ 171

10 min. Cani chiguieeteʼ stiʼ ca binni ridagulisaa. Biindaʼ ca guiʼchiʼ ra cá pagala nápatu ne ca guiʼchiʼ ni ruseendaʼ Betel ra cá pagala biseendatu. Bisietenalaʼdxiʼ cani cucaadiaga ca guedanecaʼ Torre stiʼ ni rapa stiʼ abril-junio ne ¡Despertad! stiʼ mayo lu sti Guendaridagulisaa stiʼ Dxiiñaʼ Stinu, ne gúʼndacabe ni dede ante ti ganda guiníʼcabe ximodo zanda gusaananenu cani binni ni nuu neza ra rucheechenu diidxaʼ.

10 min. Ni caquiiñeʼ ca binni ridagulisaa.

25 min. «Guendaridagulisaa de Chonna Gubidxa stiʼ ca Testigu stiʼ Jiobá 2008.» Gutiidiʼ secretariu stiʼ ca binni ridagulisaa ni. Ante gúʼndatu ni rizaané Xhiiñaʼ Reinu ni Rúninu la? biindaʼ carta ni biseendacabe 15 stiʼ abril 2008 ra cá padxí chigápatu guendaridagulisaa de chonna gubidxa. Ora gúʼndatu párrafo 7 stiʼ ni rizaané Xhiiñaʼ Reinu ni Rúninu la? biindaʼ cuadru ni cá lu yaza 5 ra na «Xi naquiiñeʼ gúninu para guyúbinu ra guiaananu» ne «Ximodo zanda guinabuʼ cuartu ndaaniʼ ti hotel», biindaʼ cada puntu zeeda luni. Peru pa nabeza cani cucaadiágacaʼ ndaaniʼ guidxi ra chigaca guendaridagulisaa roʼ ca ne cadi caquiiñeʼ guiaanacabe ndaaniʼ hotel la? cadi naquiiñeʼ gúʼndaluʼ ni. Gudxi laacabe galanpeʼ nga chúʼcabe listu dede ca yanna para chécabe guendaridagulisaa ca.

Diidxaʼ riuundaʼ 197

[Ni cá ñee yaza]