Cani chiguieeteʼ

◼ Cani zanda gusaananu lu beeu abril ne mayo: Libru stinneʼ de ca historia stiʼ Biblia, laguni stipa pur chigánnatu ca binni ni guyuulaʼdxiʼ gucaadiaga ca stiʼ biaje, casi cani guyé ra bietenaláʼdxinu guendaguti stiʼ Jesús o cani yegucaadiaga libana ni bibí gudiʼdiʼ si dxi bietenaláʼdxinu guendaguti stiʼ Jesús, peru qué riépecaʼ guendaridagulisaa. Laguni stipa pur guzulú gúʼndanetu laacabe de Biblia pa qué huayúnicabe ni. Junio: ¡Biecheʼ de guendanabani ndaaniʼ Guidxilayú sin qué guiuu dxi gátiluʼ!, Lii zanda gaca xhamíguluʼ Dios, ne Xi canabaʼ Dios lii guʼnuʼ. Julio: Libru stinneʼ de ca historia stiʼ Biblia ne Xipeʼ ndiʼ cusiidiʼ Biblia.

◼ Dede lu beeu mayo maʼ zuseendacabe ca guiʼchiʼ ni ricá ladxidoʼno ora maʼ ziuunu guendaridagulisaa de chonna gubidxa iza 2008, ne zuseendacabe ni ra rié ca revista ne libru stitu. Nga runi, cadi naquiiñeʼ guinábatu cani. Pa iquiiñetu jma la? naquiiñeʼ guinábatu cani ne guiʼchiʼ Solicitud de publicaciones (S-14-S). Zanda guinábatu portatarjeta pa riuuláʼdxitu.

◼ Ca secretariu ca riquiiñeʼ gápacaʼ guiʼchiʼ: Solicitud para el servicio de precursor regular (S-205-S) ne Solicitud para el servicio de precursor auxiliar (S-205b-S), naquiiñeʼ gápacabe ni iquiiñecabe biaʼ ti iza. Ca guiʼchiʼ riʼ zanda guinábatu cani ne guiʼchiʼ Solicitud de publicaciones (S-14-S). Ante guseendatu solicitud stiʼ tuuxa precursor regular Betel la? naquiiñeʼ guʼyaʼ chaahuitu cadi guiaadxaʼ xiixa lu guiʼchiʼ ca.

◼ Betel riquiiñeʼ gapa ca guiʼchiʼ ni jma nacubi ra cá xi teléfono ne pa neza lidxi ca binnigola ni rapa guiráʼ stiʼ ca binni ridagulisaa ne stiʼ ca secretariu. Ora guidxaa xiixa númeru lu teléfono stícabe la? Grupu ni Ruuyaʼ Dxiiñaʼ stiʼ ca Binni Ridagulisaa riquiiñeʼ guchacaʼ, guni firmarcaʼ guiʼchiʼ ni láʼ Cambio de dirección del superintendente presidente y/o secretario (S-29-S) ne guseendacabe ni nagueendaca.

◼ Ora chetu ti guendaridagulisaa ndaaniʼ sti neza binni ridagulisaa o chetu ca guendaridagulisaa de chupa gubidxa o de chonna gubidxa la? zanda guinabadiidxatu Betel ni ruuyaʼ gaca dxiiñaʼ guidxi chetu ca padxí, pora ne paladu chigaca cani. Lu últimu yaza stiʼ Anuario ni biree iza riʼ zeeda paladu riaana ca Betel ca.

◼ Guendaridagulisaa de chonna gubidxa ni chigaca lu iza 2008, chiguiree lani «Gudiʼnu lugar gacané espíritu stiʼ Dios laanu». Lu Xhiiñaʼ Reinu ni Rúninu stiʼ beeu mayo zuzeeteruʼ jma de laani para gánnatu xi gúnitu ti cadi guiaadxatu nin ti dxi stiʼ guendaridagulisaa riʼ. Pa caquiiñeʼ guinábatu permisu ra dxiiñaʼ para chetu guionna gubidxa ca la? cadi guiaandaʼ laatu guinábatu ni dede ante.

◼ Lu semana 23 stiʼ junio 2008 ziuundaʼ folletu Lii zanda gaca xhamíguluʼ Dios, ne lu semana 21 stiʼ julio 2008 ziuundaʼ libru Guizíʼdinu de Maestru Ni Jma Nanna Gusiidiʼ ra nuu grupu ni ruundaʼ libru lu diidxazá istmo.

[Footnote]

(Zeeda sti ndaa de laani lu yaza 7)

[Blurb on page]

Cani chiguieeteʼ (Zeedani de lu yaza 2)