Panda testigu stiʼ Jehová nuu lu Guidxilayú

Tu guiráʼ naca testigu stiʼ Jehová.

Cani rucheeche si stiidxaʼ Reinu stiʼ Dios guiráʼ beeu nga naca testigu stiʼ Jehová (Mateo 24:14). Zanda gácacabe Testigu ni maʼ guyuunisa o binni ni maʼ gúdxicabe laacaʼ zanda guni predicarcaʼ, peru caʼruʼ chúʼnisacaʼ.

Ñee naquiiñeʼ gudiicabe donación para gácacabe testigu stiʼ Jehová la?

Coʼ. Cadi naquiiñeʼ gudii tuuxa donación para gaca Testigu o guicaa xiixa dxiiñaʼ ndaaniʼ organización stidu (Hechos 8:18-20). Ni dxandíʼ nga, stale de ca donación ni riuu guirutiʼ ganna tu rudii laacaʼ. Guiráʼ Testigu rudiicaʼ tiempu sticaʼ, stipa sticaʼ, xpuéltucaʼ ne ni racaláʼdxicaʼ gudiicaʼ para gacanecaʼ lu dxiiñaʼ ni cayaca lu guidubi Guidxilayú (2 Corintios 9:7).

Ximodo nánnacabe panda Testigu runi predicar guiráʼ beeu.

Guiráʼ beeu rudii ca Testigu ti informe ra rucaacaʼ pabiáʼ bíʼnicaʼ lu predicación, rudiicabe ni ra ridagulisaacabe ne rúnicabe ni de guidubi ladxidóʼcabe.

Rugábacabe guiráʼ informe riʼ ne ruseendacabe ni Betel ni nuu jma gaxha. Ne Betel ruseendaʼ guiráʼ informe stiʼ cada guidxi o territorio ra nuu sucursal de Estados Unidos.

Ra riluxe iza dxiiñaʼ, a ruuyacabe panda Testigu nuu cada lugar. Rugábacabe guiráʼ informe ca ti gánnacabe panda Testigu nuu “lu guidubi Guidxilayú. Lu Anuario de los testigos de Jehová reeda ti informe ra ná panda peʼ nga nuu cada guidxi ne xiixa relatu ni jma risaca de predicación. Ca relatu riʼ riguu cani gana laanu, cásica guluu cani gana ca primé xpinni Cristu (Hechos 2:41; 4:4; 15:3).

Ñee rugábatu ca binni ni qué runi predicar, peru riecaʼ reunión o ruundanetu laacaʼ ra lídxicaʼ la?

Neca qué rugábadu laacabe lade ca Testigu, riéchedu guidúʼyadu ridagulisaanécabe laadu. Stale de laacabe riécabe Conmemoración ni raca guiráʼ iza. Nga runi, ora ugábadu guiráʼ cani guyé Conmemoración ca zanda gánnadu pabiáʼ de laacabe guyé ora guni restardu ca Testigu guyuu raqué. Lu iza 2023 guyé 20,461,767 binni Conmemoración.

Stale binni ni qué rié reunión stidu ruundanécabe laacaʼ ra lídxicaʼ sin quíxecaʼ. Lu iza 2023, biindanécabe biaʼ 7,281,212 binni Biblia. Stale de laacaʼ biindanécabe laacaʼ tobi si tiempu.

Xiñee lu ca censo ni runi ca gobiernu jma stale ca testigu stiʼ Jehová que biaʼ natu yaʼ.

Ca oficina stiʼ gobiernu ni runi ca censo ca nabé rinabadiidxacabe binni pa naca de ti grupu religioso. Casi oficina ni ruuyaʼ gaca censo ni nuu Estados Unidos rúnicabe ni para gánnacabe pa ca binni guinabadiidxacabe ca guiniʼcaʼ nácacaʼ de ti grupu religioso. Peru laanu qué riguʼnu cuenta cani riníʼ si Testigu laacaʼ, sínuque cani rucheeche stiidxaʼ Reinu ne runi informarcaʼ dxiiñaʼ bíʼnicaʼ.