Ximodo riquiiñeʼ guiʼchiʼ ni láʼ Sírvase visitar (S-43-S)

Riquiiñenu guiʼchiʼ riʼ cada biaje guidxélanu binni ni riuulaʼdxiʼ guiziidiʼ de Dios peru cadi nabeza neza ra rucheechenu diidxaʼ o riníʼ sti diidxaʼ. Dxiqué ruchanu guiʼchiʼ riʼ ora ridxélanu ti binni ni riníʼ sti diidxaʼ ne rúninu ni nécapeʼ qué riuulaʼdxiʼ gucaadiaga. Yanna riquiiñenu ni ora si riuulaʼdxiʼ binni guiziidiʼ de Dios. Peru zanda guchanu guiʼchiʼ S-43-S ca pa guidxélanu tuuxa binni ni qué runadiaga, neca qué gánnanu pa riuulaʼdxiʼ guiziidiʼ de Dios.

Xi naquiiñeʼ gúninu ora maʼ bichanu guiʼchiʼ riʼ yaʼ. Gudiʼnu ni secretariu ni nuu ra ridagulisaanu. Pa nánnabe xi neza binni ridagulisaa rucheeche diidxaʼ neza ralidxi binni ca la? zuseendabe ni ra nuu ca binnigola stiʼ neza binni ridagulisaa ca para chigánnacaʼ binni ca. Ora qué guidxela secretariu ca xi neza binni ridagulisaa rucheeche diidxaʼ neza ra nabeza binni ca la? zuseendabe ni Betel.

Pa riníʼ binni ca sti diidxaʼ ne nabeza neza ra rucheechenu diidxaʼ la? zándaruʼ chigánnanu laabe dede ora cheʼ tuuxa ni riníʼ stiidxabe chiganna laabe (biiyaʼ Xhiiñaʼ Reinu ni Rúninu stiʼ noviembre 2009, yaza 4).