Tapa cosa ni zacané lii gúʼndaluʼ Biblia guiráʼ dxi

Pur guiráʼ cosa ni rúniluʼ, ¿ñee raca nagana para lii gúʼndaluʼ Biblia guiráʼ dxi la? (Jos. 1:8). ¿Xiñee qué quixhe íqueluʼ gúniluʼ tobi de ca conseju zeeda raríʼ?

• Gudixhe ti alarma. Gudixhe ti alarma lu celular stiluʼ para gusietenalaʼdxiʼ lii maʼ ora gúʼndaluʼ Biblia.

• Bisaana Biblia stiluʼ ti lugar ra zanda gúʼyaluʼ ni. Pa lu guiʼchiʼ ruundaluʼ Biblia la? gudixhe ni ti lugar ra gúʼyaluʼ ni (Deut. 11:18).

• Bicaadiaga audio stiʼ Biblia. Zanda gucaadiágaluʼ Biblia laga cayúniluʼ xiixa dxiiñaʼ. Tara, ti precursora ni napa xiiñiʼ ne runi dxiiñaʼ huaxhinni, laa guníʼ: «Laga cayuneʼ ca buelta stinneʼ ra yoo rucaadiaʼgaʼ Biblia ne nga racané naa cadi gusaanaʼ de guundaʼ Biblia guiráʼ dxi».

• Gudixhe ique gúʼndaluʼ Biblia guiráʼ dxi. Pa málasi bizaaca xiixa ne qué zanda gúʼndaluʼ Biblia casi maca gudixhe íqueluʼ gúniluʼ ni, biindaʼ neca chupa versículo ante gásiluʼ. Jma galán gúʼndaluʼ neca ti ndaa que guiluxe dxi ca ne qué ñuundaluʼ Biblia, ne neca ti ndaa si gúʼndaluʼ zuuyaluʼ pabiáʼ zacaneni lii (1 Ped. 2:2).