Tonatona Afugo Nga ga Paparaha 14

Agu aKristano naadu mbata kusayo agbandaka gu wene pangbanga nga ga Kindo ku rogo dungu papara kpotosende. Yesu ayugu gu ba fuyo si aida i tungusipai rogoho na ko asayo ngba iˈiriwo gene i tungusipai fu aboro kina rogo afugoyo yo. Yekova afu ngarã fuyo gbiati ome tipa i dibe kere arungosiro.

Yesu afu yuguyugu kpiapai fu Yoane nibipa ga Yekova taarimo. Rogo gu kura yuguyugu kpipai, Yoane abi gu Kindo nga ga ngbangbaturũ si nadibe Satana ki nyasariipa gako zogarago nyeanye kindi. Yoane abi Yesu na kura aboro nga 144,000 i nizogorago nako ni abakindo. Yoane abi kpotosende dunduko a si nada ni paradizo aboro dunduko kini irisi Yekova rogo zereda na kodatise.