Gupai Si Aidanga Mo Zangaha Ya

Rogo gu yuru naadu mbata fu Yesu kpi, ko arugu ruru apefuoko i ni tingidipa gako motumo. Ko amangisunge na gu kpakuto zanga agbooro na imekakue ka sigira gupai i ayambaha nga gu Yangara Riahe Nga ga Nyemu watadu Ga Gbia Riahe na ki fu zinahe nga: “Oni mangi gere nitingidi pa re.”​—Ruka 22:19.

Rogo agarã ni basasa, aDezire Yekova rogo zegino dunduko naadungura tiyo kaa tingida gu ramediwi re. Rogo 2014, Tingida Pakpio Yesu nika du Rago Sa Sunge, Zerekpe, 14 fuo ti uru.

Ani nayambaro mo ye kadu pati gi dunguratise re, dungu apai i nika wisigoho yo tipa wai nyakipa ga Yesu motumo. Aboro atumonga tipa ka ye koyo te. Gu boro naafu gi magazini re foro ima rengba ka pe gu regbo na gu ba i nika mangaha rogoho rogo gamo dagbarago, watadu mo rengbe ka bihe rogo gaani bangiriba nga ga Internet nga jw.org/zne. Ani namaabangirani nga bangiro agonga ti gipai re te na ani abiro abi yo.