AGU ASANAHE ZIAZIA KEKEPAI AKARAGAPAI KUTINI

Tipagine si aida ani kparikpee ti ni?

Yekova Mbori naida ani fura na ko dedede tipa agu apai nafuda rani zanga gunde. (Ruka 18:1-7) Ko nadegatuko adega bambiko nyemu rani tiko. Wadu he nga gu Barani du ngbangbaturũ yo nayamba rani ani kpari fuko, ya mo si aidanga ani di gako yambahe kugume te?—Oni gedi AFiripoio 4:6.

Anga kparakpee gbua nga sanahe tipa undo te. Si nambedisa rani koyo duMbori ni. (Atambuahe 8:3, 4) Ho ani apeka agu apai ni nafuda rani fu Mbori, si nasarani ani sonosi wene pagume dagbarani na ko.—Oni gedi Yakoba 4:8.

Si naida ani kparikpee wai?

Ho ani akpara ni, Mbori aidanga ani napeka kina bangisapai ti aregbo dunduko te. Na si aidanga ani ru gu kura kparakpara rugo tipa ka kpara te. Yekova naida ani kpari fuko ngbadurani yo. (Matayo 6:7) Ni kpiapai, bakuru kusayo ti regbo aYisaraere, Ana akpari tipa gu fudifudipai ri aagbia tiri na ni rogo gari ramukporo. Kusa, ho imisiri asatihe ni ku rogo ngbarago, ri akpari fu Mbori ngbaduri yo.—Oni gedi 1 Samuere 1:10, 12, 13, 26, 27; 2:1.

Nairiwo gu momu du berani re! Ani ima rengba ka pe agu apai nafuda rani fu Bakusirani. Ani ima rengba ka tambua ko tipa agu apai ko namangihe. Rengo ngaha nga, si aidanga ani bipa gu momu du berani na taatapaha te.—Oni gedi Atambuahe 145:14-16.

Ka oni aid aka ino kura apai tipa gipai re, oni bi Kapita 17 nga ga gi buku re, si nga gu buku aDezire Yekova akusaha

Oni kusihe rogo gaani bangiriba nga ga internet nga www.jw.org/zne