‘Ani Mangi Wa Mbori Akpinyemuhe’
1. Rii gu bakere dunguratise nga ga uru sa nga gine, na tipagine daha ada ti ni i sakipai tipa gipai re?
1 Ani niungarani mbiko Yekova nakusi rani. (Yugo. 4:11) Sidu, ani arengbanga ka manga gupai Yekova akusi rani tipaha ka ani awirikanga gupai ko akpinyemuhe na kini mangihe ya te. Anga taatapai nga gipai re te, bambiko si naida ani sovura aso kuti “agu apai ngba ti borose na berã” watadu “gu nyemuahe nga ga aGendiria.” (Ef. 2:3; 1 Pet. 4:3; 2 Pet. 2:10) Ka Mbori aundongo rani aundo ya, Bakitingbanga rengbe arengba ‘ka zio rani ani mangi agu apai ko akpinyemuhe.’ (2 Tim. 2:26) Gu gaani bakere dunguratise nga ga uru sa nikadu rogo gu garã nga ga sunge nga 2012, si nika undo rani wa du ani nibasasa dunduko ani naamangapai ringbisihe kuti gupai Yesu ayuguhe rogo gu kpia kparakpee ko afuhe fu gako abawiriki, nga, “ani mángi . . .wa mo akpi nyemu he.”—Mt. 6:9, 10.
2. Gini asanahe i nika karagapai kutini?
2 Agu Asanahe I Nika Karagapai Kutini: Wa oni kaa degaturoni ka gia agu apai i agumbaha, oni moiberã roni ka gia akaragapai sa agu asanahe nga: Gini kura nyanyakipa pai si aida ani mangihe fuo gu nga gia Fugo Mbori? Wai rengbe ani kaa rugatirani naapa gupai Mbori akpinyemuhe? Tipagine si aida ti ni ani duna nyemu ka undo ngbatunga aboro dũ? Wai rengbe ani ka gbia gu raka ngba gbe? Paranga aboro, ginipai oni aida ka yugoho fu Yekova tipa tironi? Gini amosoro boro agbiaha mbiko manga ní gupai Mbori akpinyemuhe? Tipagine si aida ti ni ani naanyakasa akuarani na kini songodiyo awere nyanyakii?
3. Wai rengbe ani ka gbia undo bakere gbe ti gu bakere dunguratise nika manga re?
3 Oni asaditironi kadu pati gu bakere dunguratise re na kini moiberã roni sani. Si nawira gupai nga wirina nika yeaye Betere yo watadu gu babiapai ninaata ata tipa gu bakere dunguratise re nibagumbapai. Mbata fu tona gu bakere dunguratise re na tifuoho, ka oni gundenga ti ndu fuoko ka fura naako na diako ka dee du beko ya. Ho oni ka ga ni ku kporoyo, ka oni dunga ‘nigu gipai nahe tingidapai ya,’ ono oni ngererii agu apai oni nigihe na gaoni aborokporo na ki sakipai tipa wai rengbe oni kaa manga gupai bakere gbe Mbori akpinyemuhe.—Yak. 1:25.
4. Tipagine duhe ti ni ninyanyakipa pai ani peresipa manga gupai Mbori akpinyemuhe mbatayo?
4 Fuo regbo ngbutuko, agu aboro namerã kina gene gayo nyemuapai yo na ka i aidanga ka manga gupai Mbori akpinyemuhe ya, ko nika gbarasayo agbarasa kusayo. (1 Yo. 2:17) Sidu tie, ani nafu tambuahe fu Yekova mbiko mangako gi mbakadapai re tipa rani nga gu nika undo rani ani peresipa manga gupai mbatayo ko akpinyemuhe!