Ya Mo Si Naida Aida Mo Rugusihe?

Kura abatungusipai naarugusa tungusapai gbe bebere uru. Kura apai nasa kura aboro i rugusi sunge tungusapai ti ringbisiringbisi regbo. Ono ya mo mo naarugusa sunge tungusapai bambiko gupai nga agu aboro du rogo gamo badona rugusihe watadu bambiko gupai nga wo aboro naarugusa ha dedede ti ringbisiringbisi regbo? Ya mo mo rengbe ka kiiso ga sunge tungusapai tipa bete aminiti berewe ki mangi kura ngbatunga tungusapai gbaiga wa gu nga manga dezirepai bangiri gene? Ya mo mo rengbe ka manga mbakadapai na boro sa watadu aboro ue tipa ka karagatise ka bi yó ti gu regbo mo aga ku kporoyo? Mo berẽnga pa gu wenepai rengbe ka manga ka mo gbia kandara boro sa nga gu ní du na nyemupai kporo berewe watadu ka mo fu magazini fu kura boro berewe sa bangiri gene! Ka ndupai adunga adu ho si aida ani rugusi tungusapai ti ni ya, pa nye ani ka tungusapai nigbangaha nga gu taata gene rengbe ani ka kiiso gaani “motumo tambuahe” ngbaha.​—Eb. 13:15.