Tua Tipa ka Yamba Aboro Tipa Tingida Pakpio Yesu Nika Tona Rogo Marungu 22

Rogo gi garã re, ani nika tona gaani tua ka yamba aboro tipa Tingida Pakpio Yesu Rago Nzengu, Marungu 22. I nangarasa rani dunduko ani mangi gu tua re wenengai. Kpia wai ka kparaka gu waraga yambahe re gu du ti kpewaraga 4. Ho ani kaa kparakaha ni ti digido aposo, ani rengbe arengbe a ka fu amagazini ho du rengba adu ni. Rogo gu bambata Rago Nzengu nga ga Zerekpe, ani nikaa kparaka kina awaraga yambahe kuba tona wisigo Ziazia Kekeapai na aboro. Ono tie, ka ani bi gu boro yugu kparakpara nyemupai, ani rengbe arengba ka tona wisigo Ziazia Kekeapai na ní. Gu babiapai nga ga sunge tungusapai ko rengbe ka diaberã singia si naida i kparaka gi waraga yambahe re rogo manga dezirepai gbaiga tipa si undo dungurati tipa si gbia badungu aboro rogo dagbarago. Agu aboro ani naini yó, wa agumerani, akuarani sukuru yo, gaani abadiasunge, na agu aboro ani naakaraga tirani fuyo rengbe arengba a ka du pati ni, ani keke rimo agu aboro awere ani aida ka yamba yó na ki fu waraga yambahe fuyo ti regbo gu tua re. Ani na maabangirise nga badungu aboro nika ye aye fuo rani tipa ani tingidipa gu bakerepa nyemuse Mbori ayuguhe gbiati Yesu.​—Yo 3:16; 15:13.