Mo ima Rengba ka Gbia Ngbarago ti gu Nyenye Amaku Naye be Mbori

• Ya mo mo nangera kumbatayo tipa gu zegino nikaa dunga na vura, zuu, gbiati zangagiatise rogoho ya?

• Ya mo mo naberã gupai nga ka i niyanga kaza, rungo gbiati kpio ho ti ni te?

• Ya mo mo nangera kumbatayo kadu zanga na bakabangirise?

• Ya mo mo nakpinyemu ka raka rogo gu rago gu gberãngo naye be gu mangapai nga ga ome zegino nika gbarasanga ha ya?

Gaani Mbori nga boro nyemuse, du nga Bakusi gaani wene kpotosende, ima kidohe kafu gu raka fu aboro du na zereda gbiati ngbarago nyeanye kindi. Pa musumo nga gipai re te.

Rogo gu kekepai ngbefuo gere, ani naho gupai bero nga mo makia:

• Wai bakusirani akpinyemu rani

• Gupai Fugo Mbori ayugoho furani

• Gupai ga Mbori anebi ayuguhe tipa gu gako amaku ko akidopaha

• Gupai rengbe ani ka mangahatipa kadu na ngbarago awere na ki gbia nyenye amaku ti gu regbo da bangiri Mbori

Ani tonangaha ni makia ani pai tipa agu ahe dunduko Mbori afuhe furani nga gu nayugo gupai nga Mbori na kpinyemu rani akpi.