Oni Nimangi Kparakpee Tipa Agu aKristano I arungosiyo

Ziazia Kekeapai aima gumba sangbanebi nga Satana nika rungosi rani tipa ka ká na gaani sunge tungusapai. (Yo 15:20; Yugo 12:17) Wai rengbe ani ka undo agu awirina i arungosiyo rogo kura aringara? Ani kpari tipa yo. “Gu nyanyaki kpe nga ga ruru boro du na bakere tandu.”​—Yak 5:16.

Gini apai si aida ani kpari tipaha? Ani sana Yekova ko fu wingbaduse fu awirinarani na ki undo yo tipa ka i gunde nga ya. (Yes 41:10-​13) Ani kpari tipa airangbii mangipai wenengai ku bara gaani sunge tungusapai yo, “ya ani raki zezeredi zanga fudifudi pai.”​—1Tim 2:1, 2.

Ho i aarungosi aPauro na Petero ni, agu aKristano nadu rogo bambata sa kama agarã akpari tipa yo ti arimo yo. (Amokedi 12:5; ARomo 15:30, 31) Ka si vura dunga ani ainongo rimo agu aboro i arungosi yo areme te, ani ima rengbe ka yamba rimo gayo adungurati, gu gbata du yo rogoho watadu gayo ringara

Mi naida ka kpara tipa agu aKristano i arungosiyo rogo agu aringara nga.