Oni Gbia Tatamana Tipa Gaoni Raka na Aˈuru dũ Rogo JW.ORG

Fugo Mbori na agu apai dunduko rogoyo nga gu si aidaha tipa ani hii aˈasada rogo gi kpakarakpakara yangara areme re. (2Tim 3:1, 16, 17) Ono tie, gu kura aregbo kinaho si aida ani gbata undo tipa wai ka mangasunge na bangua arengo nga ga Baibiri. Ni kpiapai, ya mo vungugude nga mo nagbata arugute tipa ka sonosa awiro? Ya mo paranga gude nga mo nagbia tiro na kpakarapai tipa gamo ida? Ya mo dekurugbo nga mo, nazingo tipa gu gamo badiarogatise kpi? Mo nika gbia apai rogo jw.org nga gu nika yugo gu bangua arengo nga ga Baibiri nga gu rengbe ka undo ro ti gu regbo re na tipa kura pai a.—Snz 2:3-6.

Rogo gu papara jw.org nga tonatonaha, mo norõhe rii BIBLE TEACHINGS. (Mo bi sura 1.) Mo sia gu mo aidaha. Watadu mo norõhe rii LIBRARY > ARTICLE SERIES na mo ki sia gu ngba tiro. (Mo bi sura 2.) Mo ima rengba ka bihe a rogo JW Library^®.a Mo nika gbia ngbarago ti wetekapai rogo gi gaani aũsunge re. Gu kura gene nga ka gbataha ni ke mo gupai mo aidaha rogo gaani bangiriba nga ga jw.org.

Mo ke agi apai re rogo gu sanduki nga ga gbata apai, na ki kepa gupai mo aida ka gedapai tipaha.

• Sonosa agude

• Gberãrago ti sosono agude

• Kpio ga boro badiarogatise