Mbakada Gaani Gene Tungusapai Yugopai fu Gaani Abawiriki Ziazia Kekeapai Tipa Wai ka Mbakadatiyo Tipa Wirikapai

NDU GUPAI DUHE TI NI NA NYANYAKIPAHA: Ho abawiriki Ziazia Kekeapai ambakada gayo wirikapai ni, si taata fuyo tipa i gitiyo na kini tingidi gupai ani ayugoho fuyo. Wa i nikaa giarogopaiyo na kini tingidihe, si nika sa yo i mangi sonakumbatayo ni ipo. Zavura tifuo bapatiza, si nikaa ida aida i naambakada tiyo tipa adunguratise gbiati sunge tungusapai tipa ka nye kaa ‘ngera’ kindi. (Mt 25:13) Sidu, pa ino yo wai ka wisigopai na padu na wene mbakadapai nga ga wisigopai dedede nika undoyo rogo gayo raka nabaha. Ti kina tonatonaha, si naida ani undo gaani abawiriki Ziazia Kekeapai tipa i sonosi gu sino nga ga mbakadatiyo tipa wirika Ziazia Kekeapai.

WAI RENGBE BORO KA MANGAHA:

• 

  Mo du ni wene kpiapai. (Rom 2:21) Mo mbakadi tiro tipa wirikapai na pa gu bawirikipai re berãro yo. (km 11/15 3) Mo yugu wai mo nagbakihe rogo gu waraga du bero

• 

  Mo ngarasi ni tipa ni mbakadihe. Fuo oni moi mburu wirikapai, mo undo ni ni ini gupai nga, dia regbo tipa ka mbakada gani wirikapai nga papara gani wisigo Ziazia Kekeapai, na mo saki agu aundo du ti ni. Mo fu bete aberãpai tipa wai rengbe ni ka gbia bete regbo ka manga gipai re. Kura abayugupai nafu gu gayo waraga i naima gbaka he rogoho tii memepai ti regbo wirikapai tipa si undo gayo bawirikipai ni bi gu wenepai du ti mbakadaha. Mo tambua ni ho ka ni mbakadihe ni

• Mo yugu wai fu ni ka mbakadaha. Kura abayugupai ni naamangasunge na gu regbo ka i ni wirikipai vuruhe yo tipa ka yugo wai fu gayo abawirikipai ka mbakada tiyo tipa wirikapai