Mo sa Gamo Wisigopai Nisase si du na Bakere Sangbanaha

NDU GUPAI DUHE TI NI NA NYANYAKIPAHA: Wisigo Fugo Mbori nisase naundo rani ani ‘rugu tirani na bagiza rengo, basonaha na badunguraha.’ (Ef 3:​18) Na si naundo rani a ani nye zanga serõ na gbarasarimo rogo gi gbegberẽ zegino re na kini ‘kakuti’ unga nyanyaki. (Frp 2:​15, 16) Wisigopai nisase nasarani ani sia agu apai ani aida ka wisigoho wa du ani ni basasa. Ginipai rengbe ani ka mangaha tipa ka gbia undo ni bakerehe ti geda Baibiri na kini wisigihe?

WAI RENGBE BORO KA MANGAHA:

• Mo gbaki ahe tii averesi na kini keke wiri apai rogo gu gamo Baibiri du tipa wisigopai, singia gu nga buku watadu gu du rogo terefuni na taburet

• Mo sana tiro na agi asanahe re wa mo nikaa geda Fugo Mbori: ‘Da du? Ginipai? Ti gini regbo? Wari? Tipagine? Ngba gini gene?’

• Mo gbia agu arengo duho. Mo mangi wetekapai tipa pangba watadu veresi ni manga mo sunge na agu aũsunge nga ga wetekapai duho

• Mo berẽkurii gupai mo agedaha tipa ka bi wai gupai re abi ro

• Mo mangipai kuti gupai mo agedaha rogo gamo raka yo na aʹuru dũ.​—Rk 6:47, 48

ONI BI GU VIDIO NGA, MO ‘KAKUTI’ UNGA NYANYAKI VURUBE WISIGOPAI NISASE, NA FUOHO, ONI KI KARAGAPAI KUTI AGI ASANAHE DU KUSENDE RE:

• Ginipai kura aboro nagumbaha tipa wisigopai nisase?

• Tipagine si aida ani naamanga kparakpee ti ni ti aregbo dunduko mbata fu ani tona wisigopai nisase?

• Ginipai rengbe ka undo rani ani rugutirani wenengai na gu kekeapai nga ga Baibiri?

• Gini ngbatunga arangi rengbe ani ka gbakaha rogo gu gaani Baibiri du tipa wisigopai?

• Tipagine du berãkuriipai ti ni na nyanyakipaha ho ani awisigo Fugo Mbori ni?

• Ginipai si aida ani mangihe na gupai ani awirikaha?