Berãpai Tipa Wisigopai
Ya mo mo nagbia undo ti gu sakarogo averesi yo nga ga Baibiri du rogo Research Guide for Jehovah’s Witnesses?
Agi asakarogopai yo re ima rengba ka undo ro mo wisigi Fugo Mbori dudunguro. Si ima rengba kadu na futufutuapai rogoho tipa wai apai adu ho agu apai i nasakipai tipaha rogo gu veresi yo nga ga Baibiri aamanga ni.
Watchtower ONLINE LIBRARY™ gbiati JW Library® nambu gene foro tipa mo ndu ku rogo agu awaraga du rogo Research Guide ho mo ageda veresi ni rogo Baibiri yo. Mo ima rengba ka bi agu awaraga i ayugo bara apai ku rogoho rogo gu paparaha du tipa wisigopai i ayambaha nga study pane rogo ai gu sasa fugo Baibiri du yo.
Ho mo amangasunge ni na agi awaraga wetekapai re, mo moiberãro kuti ramediwi. I na maa vovo kekeapai kuari. Rogo gu kekeapai nika du kusande, kuru kekeapai ima rengba kadu na gu kuru giarogopai yo nga gu i naima ariaha.
Agu awaraga du rogo Research Guide nga gu nasakarogo veresi yo kina rogo Watchtower ONLINE LIBRARY.
Tipa ka bi sakarogopai yo kuti veresi rogo JW Library, mo moi Research Guide, na kini zogo vovo ahe ho si ka anidu ni ho. Mo rengbe ka manga gipai re ni manga mo sunge na guhe nakura kuari barii study pane nga gu du tipa ai kapita rogo Baibiri yo.