Abarayama Angia Bakurea Mbori

RAGO sa dagba agu arago aboro andu ka raka rogoho fuo Ime Akangbii angia Ura. Si ada ni nyanyakipa bagbata na wenewene akporo rogoho. Ono agu aboro naadu yo anaairiso kungbo ambori. Gere nangia gupai i anaamangaha Babera yo a. Agu aboro naaraka Ura yo na Babera yo aadunga wa Noa na wiriko nga Seme nga agu aboro naairiso Yekova kindi te.

Ni yangaraha, fuo agarã 350 fuo Ime Akangbii, Noa akpi. Fuo kpi Noa agarã ki susi ue gbua, i avungu gi kumba mo abiko rogo gi sura re. Ko angia kparakpara boro fu Mbori. Rimoko angia Abarayama. Ko araki na gako aborokporo rogo gu gbata nangia Ura.

Rogo kura uru sa, Yekova aya fu Abarayama: ‘Mo guari mo na gamo aborokporo ki ndu ka raka rogo gu ringara mi ka yugoho foro.’ Ya mo Abarayama agisangba Mbori ki mbu gu wene raka ko aarakaha Ura yo? Ii ko aima giasangba Mbori. Na mbiko gupai nga Abarayama anaagiasangba Mbori ti aregbo dũ, i ayambuko nga bakurea Mbori.

Gu kura aboro dagba ga Abarayama aborokporo andu na ko sa ho ko aguari ni Ura yo. Bako nangia Tera andu na ko a. Na wiri unvura bako nangia Roto. Na diako nangia Sara. Ho i adani rogo gu ringara nga Arana, Tera akpi. I aima turõ ti Ura.

Tifuo bete regbo, Abarayama na gako aborokporo ki guari Arana yo ki ndu ku rogo gu ringara nga Kanana. Yo du Yekova ayani fuko: ‘Mi afu gi ringara re fu ngbatunga ro.’ Abarayama asungu Kanana yo kini raki tii bamburoko.

Mbori aundo Abarayama ko kidu na bakere rimbasa akandoro na gu kura anya gbiati akanga nga akama. Ono Sara aavunganga gude fuko te.

Ho garã Abarayama adu ni nga 99, Yekova aya fuko wẽ: ‘Mi kido ro nga mo nika du ni baa fu badungu arikaaboro.’ Ono ka gipai re aru wai ka manga wa duhe nga aAbarayama na Sara aima gbinza ki go ba vungu?