Eyobo Anye ni Ruruko fu Mbori

YA MO rungo gi kumba nawoka re amanganga ro te? Rimoko nga Eyobo, na diako du ru patiko re. Mo ini gupai ri apehe fu Eyobo? Ri naya fuko: ‘Mo gberẽ ngbaro yo fu Mbori mo ki kpi.’ Ani bingo gupai ri ape gu riko pai ti ni re, na gupai Eyobo arungo ti ni wa gure.

Eyobo angia gu ruru kumba nanaagia sangba Yekova. Ko adu rogo gu ringara nangia Uza, naaturongo ti Kanana ya. Yekova aima kpinyemu Eyobo gbe, ono boro kinaho nasogo ko. Mo ini gu boro re?

Satana Bakitingbanga du. Mo tingidi gupai nga, Satana nga gu gbegberẽ maraika nasoga Yekova. Ko asa aAdamu na Eva i basasangba Yekova, na ko aberẽhe nga ko rengbe arengba ka sa aboro dunduko i basasangba Yekova a. Ya mo ko arengbe ka mangaha wo? Oó. Mo berẽnga pa gu badungu ruru akumba na adee ani nawirikipai tipa yo. I wai rengbe mo ka yamba rimoyo?

Fuo kpi Yakobo na Yosefa Ezipeta yo, Eyobo nangia gu boro naadu ni ruru ní gbe auru kpotosende. Yekova aidi ka sa Satana ko ini gupai nga, ko arengbanga ka sa ai boro ní du ni gbegberẽ ní te, sidu, ko aya fu Satana: ‘Mo bingo Eyobo. Mo bingo wai du ko ni ruru ko fere.’

Satana ki tikango na Yekova ki ya: ‘Eyobo ni ruruko mbiko gupai nga mo du nafu maku kuriko na ko na badungu wene ahe beko. Ono ka mo rogo agi ahe re beko, ko nika gberã agberã ngbako yo foro.’

Yekova ki ya fu Satana: ‘Mo ndu. Mo rogo agu ahe du beko dunduko. Mo mangi Eyobo na ai gu gbegberẽpai mo aida ka mangako na ni. Ani bingoho singia ko agberã ngbako yo fere. Ono gupai si aidanga mo mangihe ya nga ka imoko.’

Gu bambatapai Satana amangihe nga ka sa akumba i ndu ka dĩ ga Eyobo rimbasa abagara na akameri, na ki imi gako akandoro. Fuoho, ko aimi awiri Eyobo 10 nangia akumba na adee. Fuo gure, Satana ki ye na kere kaza kuti Eyobo. Eyobo arungo ni kerehe gbe. Si du diako aya ti ni fuko: ‘Mo gberẽ ngbaro yo fu Mbori mo ki kpi.’ Ono Eyobo aamanganga ha wo te. Berewe a, abakureako aye biata ki ya fuko i bihe nga ko aima manga ingapai ni gbuko si du gbegberẽ apai naye ti ni sa ko. Ono Eyobo anye ni ruru ko kindi.

Gipai re asa Yekova ko du na bakere ngbarago, na ni yangaraha ko ki fu maku fu Eyobo, a wa mo abihe rogo gi sura re. Ko ahusi ko be gako kaza. Eyobo avungu agude 10 berewe, na ki gbia abagara, akandoro, na akameri wa gu naadu beko mbata bara ue.

Ya mo mo anye ni ruru ro fu Yekova wa Eyobo? Ka mo mangihe wo, Yekova fu maku afu foro a. Mo raki araka nyeanye kindi ho kpotosende nika da ni dunduko ni bawenehe wakina ati Edene