Tona ti Pa Zio AYisaraere ku Babera yo ki Da ti Dua Angapa Yerusarema Kubaha

Wa aYisaraere adu ni zizi yo ku Babera yo, i agbia dungu aasada. I aba aSadaraka, Mesaka, na Abedenego ku rogo bakere we, ono Mbori ki batasi yo rogoho. Kusa, aParaso na aMadaio adibe Babera, i aba Daniere ku sima abahu yo, ono Mbori abandako a ni kiso ko ngba abahu.

Ni yangaraha, bakindo Parasa nangia Kurese ambu aYisaraere i ga. I aga ku rogo gayo ringara fuo manga yo agarã 70 ku Babera yo. Ho i ada ni Yerusarema yo, i atona ka dua ga Yekova yekaru. Ono tie, avurayo aye ki rugusi gu sunge re. I anyasi dua gu yekaru re i namangi agarã wa 22 fuo yego yo ku Yerusarema yo.

Fuo gure, Ezara andu ku Yerusarema yo ka mbakada gaha yekaru si du ni bawenehe gbe. Gere adu agarã namangi wa 47 fuo nyasa dua gu yekaru re. Fuo gure, Nemaya andu ka dua angapa Yerusarema nga gu naima gburuwa kusande. Ko andu agarã namangi 13 fuo ndu Ezara. BISUE Paparaha nafura tipa agu apai namangi vuru agarã 152.