“Mbori Nga Nyemuse”

1. Mbori nga, nyemuse naya,

‘Oni ta na mi kindi.’

Nyemu Mbori na aboro,

Nafõ ngbadurani yo.

Ani mangi payo kindi;

Nga gu gene raka ngba.

Gu nyemuse nga ga Kristo.

Ani yugungo ho tie.

2. Nyemu rengo nafõ rani;

Na ga Mbori nyemuse.

Ka ani koto ki tiwi;

Ko atumba rani tie.

Nyemuse akpingo pai te;

Si na weneringise.

Ani kpinyemu ’kuarani;

Ki hia gaha mosoro.

3. Ka zinga dinga bero ya;

Ka si zingo bero ya.

Mo sana Gbia ko undoro;

Mo ini gipai du re:

Nyemu Mbori na aboro,

Si nakoda apai dũ.

Ani kpinyemu ’kuarani,

Wa Mbori amangaha.