Gine Rengbe ka sa Ramukporo si du na Ngbarago?

GUPAI BAIBIRI APEHE

‘Aboro ngbarago nga aguyo nagia ga Mbori pai, ki nika kuti ni!’​—Ruka 11:28, Ziazia Kekeapai, 1978.

WAI RENGBE GUPAI RE KA UNDO RO

Si rengbe ka undoro mo gbia ndikidi nyemuse.​—AEfeso 5:28, 29.

Si rengbe ka sa gupai nga mo nigbia ndikidi irisa.​—AEfeso 5:33.

Si rengbe ka sa gupai nga baro ngba angba.​—Marako 10:6-9.

YA MO NDUPAI HO NZUNZU ANI IDI KUTI GUPAI BAIBIRI APEHE?

Ii, ani bingo nduapai ue:

• Mbori nga Baenge pa ramukporo. Baibiri nayugo gupai nga Mbori namoi gu mbakadapai nga ga ramukporo. (Bambata Pai 2:18-24) Gure nayugo gupai nga, gu mbakadapai nga ga ramukporo, si ho mbiko Yekova namangihe. Tipagine nyakipa ino gipai re ti ni?

  Mo bingo gipai re: Ka si du nga mo nari bawene riahe na mo kini idi ka ino agu ahe i nimangi gu riahe re nani tipa si ngba wa gure, da rengbe mo ka sana ní? Nirengo, mo sana kina gu boro nimangi gu riahe re.

  Wakina gure a, tipa ka inoagu apai rengbe ka sa ramukporo si du na ngbarago, si naida ani ngere koyo du Yekova ni, nga Baenge pa gu mbakadapai nga ga ramukporo.

• Mbori naberã paroni aberã. Si nipatatamana fu aborokporo i gbata ga Yekova arugute, nga gu ko afuhe rogo Fugoko nga Baibiri. Tipagine? “Mbiko ko naberã pa” yó aberã. (1 Petero 5:6, 7) Yekova naida kina weneapai tipa gako aboro, sidu, agu arugute dunduko ko afuhe, si naundo aundo ti aregbo dunduko!​—Asanza 3:5, 6; Yesaya 48:17, 18.