Songoda Sunge Kindo​—Dudua Aba Irisombori na Undo Awirina

MO Berẽnga gupai nga mo rimi ku Bambu Kindo yo kina ngbaro ki zere ka bi wai duhe. Mo naasambuo tiro ti aregbo dunduko tipa gi bambu re. Si rengbe kadu nga mo natingidapa wai atingida mo aundo sunge mehe bete agarã kusayo. Ono awere, mo na bakere ngbarago, mbiko i sa gu Bambu Kindo re tipa bete regbo ni gu ba awirina azio undo rogoho. Fuo gberãngo mangi rogo gaoni dagbarago, gu Rondo Nga ga Be-basunge mangi mbakadapai niˈipiˈipihe tipa agu awirina gberãngo namangi yo re i gbia riahe, aroko, gigiri ime, gbiati gu kura aundo. Agu agamahe i nakedihe ni undo re, si ni wene mbakadimbakadihe. Awirina tona ka ye na kini rogo agu ahe du yo na zingoho na aguyo kini kpari ni aume be gu nunga nga ga ngbarago.

Yesu aya gu banguapai i nikaa ino gako aboro ti ni nga nyemuse tipa awirinayo. (Yo. 13:34, 35) Rogo gi paparaha re, ani nika bi wai du gu nyemuse nga ga aKristano ni yuguyuguhe rogo sunge dudua arago gbiati gu undo aDezire Yekova afuhe fu agu awirinayo du rogo akpakarapai. Gi nyemuse re naabaha nga gu nyanyaki gopai nayugo na ni nga ani naraka tii gu ga Yesu zogarago nga ga Kindo.