Mo du na Wingbaduse

Gupai Yesu Amangihe

VIDIO: Yesu Natungusapai fu Zakayo

1. Oni bi VIDIO, watadu oni gedi Ruka 19:1-7. Fuoho, oni ki sakipai tipa agi asanahe du kusende re:

1. Tipagine kura aboro arengbe kaa ne Zakayo ti ni?

2. Ginipai nafõ Yesu ko tungusi wene pangbanga atungusa fuko?

Ginipai Ani Awirikaha be Yesu?

2. Si naida wingbaduse ka tungusa wene pangbanga fu ai boro.

Oni Wiriki Yesu

3. Mo kido kuti Yekova. Ga Mbori toro afu ome fu Yesu ko tungusipai, na si ima rengba kafu ome foro a. (Mat. 10:19, 20; Rk. 4:18) Mo sana Yekova ko fu wingbaduse foro mo tungusipai fu agu aboro mo agunde agunde beyo.​—Amo. 4:29.

4. Ka mo saringo ngbanga aboro mbata ya. Ani ima rengba ka zanga fura na kura aboro mbiko pa wai i angera ti kpotoyo, pa wai du marã beyo, gayo gene raka, watadu gayo aida. Ono mo tingidi gupai nga:

1. AYekova na Yesu na rengba ka ngera ku kpoto aboro yo; ani arengba ka mangaha wo te.

2. Boro ho ka Yekova zanga yugo nunga fu ni te.

5. Mo du na wingbaduse kidu na birĩ na kidu a na rubangirise. (Mat. 10:16) Mo ne tikango. Mo digisi fugodagbase rogo zereda ka si du nga boro adeganga tuni foro te watadu ka mo abihe nga pai ima rengba ka gbia ro.​—Snz. 17:14.