Arugute Tipa Manga gu Dunguratise Nga ga Gaani Raka na Sunge

Rii Agu Apai du Rogoho

• Tonatona Afugo 2

• Aũkumuko Rogo Fugo Mbori Yo 3-5

  • Gumbapai 3

  • Nyanyakipa Ahe Nga ga Toro 4

  • Geda Baibiri 5

• Mo Fu Tiro sa Sunge Tungusapai 6-14

  • Tona Fugo Dagbase 7

  • Karagatise Fuo Agu Aboro Nayugu Nyemupai 8

  • Sa Aboro ni Abawiriki 9

  • Sakapai Tipa Gamo Aida 10

  • Gumbapai 11

  • Agu Apai du Rogoyo 12

  • Agene Mangaha 13

  • Mangasunge na Avidio Gbiati Awaraga 14

• Raka ni AKristano 15-16

  • Wisigo Baibiri Nga ga Dungurati 16

• Digiso Afugo 17

• Fu Tambuahe Gbiati Rugute 18

• Regbo 19

• Ho Babi Rimbasa Aye Ni 20

• Gu Poso Nga ga Bakere Dunguratise 21

• Gu Poso Nga ga Tingida Pakpio Yesu 22

• Bangerekurii gu Dunguratise Nga ga Gaani Raka na Sunge 23

• Basungu-rii-kiti Nga ga Gaani Raka na Sunge 24

• Ue Bafurugute 25

• Ue Sukuru 26

• Avidio 27

1. Agu arugapai du rogo gi waraga re nika undo agu aboro dunduko du na apapara sunge beyo rogo gu Dunguratise Nga ga Gaani Raka na Sunge. Agu aboro re duwa ka i fugu agu arugute du rogo Waraga Dunguratise Nga ga Gaani Raka na Sunge gbiati gu du rogo gi waraga re mbata fu i mangi gu paparaha du yo na ni. Si naida i sana abatungusipai dunduko tipa i futiyo tipa ka manga agu asunge i nika fuhe fuyo. Gu kura aboro naye tipa adunguratise dedede ima rengba ka futiyo tipa ka mangaha ka si du nga i ima ida kuti gu yugopai nga ga Baibiri na i naraka ringbisihe kuti gu bangua arengo nga ga aKristano. Bangerekurii gu Dunguratise Nga ga Gaani Raka na Sunge si aida ni saki gupai si aidaha na gu boro angianga batungusipai ya nga gu ni du na nyemu ka manga gu paparaha nga ga agude sukuru na ki pehe fu gu boro re singia ni ima re ka manga gu paparaha re. Si naida gipai re mangi mbu gu boro kinaho nawirika Baibiri na ni (watadu gu vunguni nga idipase). Kina gu bangisapai re si aidaha tipa gu boro naida ka da ni gu batungusipai ataziongo bapatiza ya.—od kapi. 8 genewa. 8.

TONATONA AFUGO

2. Miniti Sa. Rogo aposo ni basasa, fuo bambata bia na kparakpee, basungu-rii-kiti nga ga Gaani Raka na Sunge nikaa ba nyemupai ti aboro ni fura ko tooni tipa agu apai i nika wisigoho ni gu uru re. Si naida basungu-rii-kiti gbeberã ko kuti agu amemeapai nika undo dungurati wenengai.

AŨKUMUKO ROGO FUGO MBORI YO

3. Gumbapai: Aminiti bawe. Rii gu gumbapai re na memeapai ue watadu biata rogoho nikaa kura rogo Waraga Dunguratise Nga ga Gaani Raka na Sunge. Si naida i fu gi gumbapai re fu bakumba watadu gu moundo abaakumba rengbe ka mangaha wenengai. Ho duhe ni nga geda Baibiri nga ga poso ti ku rogo tonatona kitabu nga ga Baibiri, i nika yugo vidio nafura tipa gu kitabu re. Bagumbapai ima rengba ka roga bete memeapai rogo gu vidio re ka fura tipaha nga gu nandu sa na riipai. Ono tie, si naida ko bi gupai nga ko ima saka gu memeapai dũ du rogo waraga dunguratise. Berewe a, ka regbo du, si naida ko mangisunge wenengai na agu asura du ho na gu memepai Baibiri ayugoho tipaha, mbiko i amoihe tipa gu paparaha ko amangaha re. Ko ima rengba a ka dia apai rogo gu kura waraga nga gu nasongoda kina gu memeapai du rogo gako waraga gumbapai.

4. Nyanyakipa Ahe Nga ga Toro: Aminiti bawe. Si nga asanahe na karagapai zanga tonatona afugo watadu digisidigisi afugo. Bakumba namangaha watadu gu moundo abaakumba du na inohe rengbe ka mangaha. Si naida bagumbapai sasana agu aboro du pati dunguratise na agu asanahe re dunduko. Berewe a, ko rengbe ka diaberã singia agu averesi dunduko i nakekehe rogoho si aida i gedihe watadu ka i gedinga ha ya. Agu aboro nafu karagapai, si naida i fuhe tipa asekonde 30 watadu kusende ti ni.

5. Geda Baibiri: Aminiti Biama. I nafu gi papara sunge re fu gu wirina nga kumba. Si naida gude sukuru gedihe zanga tonatona afugo watadu digisidigisi afugo. Basungu-rii-kiti nga ga dunguratise ko nika maaberãko gbe tipa undo agude sukuru i nigedipai ni ruruhe, na wene rogoyo, zanga kongodaha, kini nyakasi memeapai, kini saki fugose na ni, kini ongodi ho si aida i ongodi ni, na si ki du kina wai boro naafura. Wa duhe nga gu kura Geda Baibiri ni guruhe watadu ni gbangaha, si naida gu bangerekurii gu Dunguratise Nga ga Gaani Raka na Sunge ini gu rengbanapai nga ga agude sukuru ni basasa mbata fu ko fu sunge fuyo.

MO FU TIRO SA SUNGE TUNGUSAPAI

6. Aminiti bawe na bisue. Gi papara dunguratise re tipa ka fu momu fu aboro dunduko i mbakaditiyo tipa tungusapai na ka manga sonakumbatayo rogo gayo birĩ nga ga tona fugodagbase na yugopai. Ti kura regbo, Abaakumba ima rengba ka manga gu paparaha nga ga agude sukuru. Agude sukuru nibasasa si aida i mangipai kuti gu wisigopai du rogo gu burosua nga Yugopai watadu Oni Kpinyemu Aboro nga gu i amaaha pati agu asunge nga ga agude sukuru du rogo Waraga Dunguratise Nga ga Gaani Raka na Sunge. Ti kura aregbo, i nika fu agu apaparaha du tipa sakapai. Agu apaparaha du wa gure, si naida bakumba mangihe watadu gu moundo abaakumba du na inohe.—Oni bi genewaraga 15 nibipa wai ka manga gu paparaha du tipa sakapai.

7. Tona Fugo Dagbase: I rengbe ka fu gi paparaha re fu gu wirina nga kumba watadu dee. Gani moundo ngia kina kumba, dee na dee watadu boro sa dagba gani aborokporo. I ima rengba ka sungo watadu ka ru kuari.—Tipa ka ino kura apai tipa gipai re na wai ka mangaha, mo bi genewaraga 12 na 13.

8. Karagatise Fuo Agu Aboro Nayugu Nyemupai: I rengbe ka fu gi paparaha re fu gu wirina nga kumba watadu dee. Gani moundo ngia kina kumba, dee na dee. (km 5/97 kpe. 2) I ima rengba ka sungo watadu ka ru kuari. Si naida gude sukuru yugu kpia gupai si aida ni pehe ho ni akaraga ti ni ni fuo gu boro ni aima fura na ni mbata rogo gayo fugo dagbase.—Tipa ka ino kura apai tipa gipai re na wai ka mangaha, mo bi genewaraga 12 na 13.

9. Sa Aboro ni Abawiriki: I rengbe ka fu gi paparaha re fu gu wirina nga kumba watadu dee. Gani moundo ngia kina kumba, dee na dee. (km 5/97 kpe. 2) I ima rengba ka sungo watadu ka ru kuari. Si naida gi paparaha re yugu gu wisigo Baibiri na boro i naima si mburuhe. Ndupai ho tipa tonatona afugo watadu digisidigisi afugo te, kina gu ka si du nga gu wirikapai i nafuhe funi ni mangisunge na ni naidaha wo. Anga agu agene waraga dunduko i nafuhe si aida i gedihe na fugose kuari te, wa vura duhe nga ni ima rengba ka mangaha.

10. Sakapai Tipa Gamo Aida: Ka si du nga i fu gi paparaha re ni gumbapai, si naida gu wirina nga kumba mangihe. Ho du gi paparaha re ni nga yugokpiapai, gu wirina nga kumba watadu dee ima rengba ka mangaha. Gani moundo ngia kina kumba, dee na dee watadu boro sa dagba gani aborokporo. Si naida gude sukuru fura ziazia na ki fu agu akaragapai du ni wenehe kuti agu asanahe fuyo ho rogo gu waraga kedi yo ni kurogo ho. Gude sukuru ima rengba ka sia singia ka yugo bara gu kura apai rogo gaani awaraga watadu ka zanga yugoho.

11. Gumbapai: Si naida i fu gi paparaha re fu gu wirina nga kumba na ko mangihe wa gumbapai fu dungurati. Ho duhe ni nga gu gumbapai re rogo yugobaraapai A nga ga gu burosua nga Oni Kpinyemu Aboro, si naida gu bagumbapai re fura tipa wai rengbe yo ka mangasunge na agu averesi re gene tungusapai yo. Ni kpiapai, ni ima rengba ka saka pa gini regbo rengbe yo ka mangasunge na gu veresi re, rogo gu veresi yo re nga gine, na wai rengbe yo ka undo aboro i berãkuriihe. Ho du gu gumbapai ni re dagba agu awirikapai nga ga gu burosua nga Oni Kpinyemu Aboro, bagumbapai rengbe ka gbeberã ni gbe kuri wai ka mangasunge na gu wirikapai re gene tungusapai yo. Ni ima rengba ka fura tipa kpiapai dagba gu sakapai 1 nga ga gu wirikapai re watadu ka fura tipa agu akura averesi nga gu fuyo ho rogo agu awirikapai re, ka si du wenengai.

12. Agu Apai du Rogoyo: Agu apai du rogo gi genewaraga re na gu ngbefuoho nandu sa na gu sunge nga ga “Tona Fugo Dagbase” na “Karagatise Fuo Agu Aboro Nayugu Nyemupai”. Gu memepai duho nga gu sasa si aida gude sukuru du na ni nga, ka pe gu tata rengo nga ga Baibiri fu gu boro ni afura na ni, na ki moi mburu gupai ni nika fura tipaha kumbatayo. Si naida gude sukuru sia gu riipai ni nika mangaha bangiri regbo yo nga gu du ni wenehe rogo gu rago re. Ni ima rengba ka sia singia ka fu waraga watadu ka yugo vidio dagba Gaani Aũsunge Nga ga Yugopai watadu ka zanga mangaha wo. Kuba gupai nga ka yugo kina gupai mo niima maaha ku berãro yo, si naida mo wiriki abirĩ nga ga fugodagbase, wa gu nga yugo nyemupai na kini fura kina wai mo naafura.

13. Agene Mangaha: Si naida gude sukuru mangipai kuti agu agene mangaha duho dunduko ringbisihe kuti agu apai du rogo gu dagbarago re. Ni kpiapai:

1. (1) Kporo na Kporo: Gi gene mangaha re nakoda tungusapai kporo na kporo—singia ndu ka bi boro, rogo terefuni, watadu ni keka awaraga—na ki karagatiro fuo agu aboro mo afura na yo ti regbo gu tungusapai nga ga kporo na kporo.

2. (2) Manga Dezirepai Angianga Kuti Asino Mangaha Ya: Gi gene mangaha re nasakapai tipa mangasunge na agu amomu duho tipa ka sa kungbo fugodagbase kurogo tungusapai. Si ima rengba ka koda yugo veresi fu agu aboro mo agbia yo basunge yo, sukuru yo, rogo gu rago du mo rogoho, gu ba atarambiri naaru rogoho, watadu rogo ai gu ba mo andu kurogoho tipa kura gamo apai.

3. (3) Manga Dezirepai Gbaiga: Gi gene mangaha re ima rengba ka koda tungusapai na ũtura awaraga, ndu fuo aboro ku ba bagaahe yo, manga dezirepai bangiri gene, watadu manga dezirepai rogo agu aba aboro naongoda rogoho, ba rugusa atarambiri, na rogo agu aba rengbe mo ka gbia aboro rogoho.

14. Mangasunge na Avidio Gbiati Awaraga: Rogo gu kura abangiriaba, gude sukuru ima rengba ka sia ka yugo vidio watadu ka fu waraga. Ka si dunga i fu gu sunge fu gude sukuru nga gu nakoda vidio, watadu ka ni aida ka yugo vidio sa, si naida ni pepa ha na ki sakipai tipaha ono ka ni moingoho ya.

RAKA NI AKRISTANO

15. Fuo bia, aminiti 15 nga ga gi paparaha re nika du na paparaha sa watadu ue tipa ka undo aboro i ini wai ka mangasunge na Fugo Mbori rogo gayo raka. I nikaa fu gi sunge re fu abaakumba na agu amoundo abaakumba du na inohe, kpara kusayo sa ti gu paparaha sa nga agu apai si aidaha rogo gaoni dungurati, nga gu si aida kina bakumba mangihe. Ka si dunga gu paparaha re nga sakapai, bagumbapai ima rengba ka fuka gu kura asanahe fuo agu fuku yo ho yo. Si naida ni tona gani tonatona afugo ni wiri guruhe ka mbu regbo tipa ka kusa gu memeapai du rogo yo na tipa agu aboro du pati dunguratise fu gayo akaragapai. Ka si dunga sasana boro rogoho, si adu ni wenepai fu gu boro i asasana ni ru kina mbatayo ri tambara yo ka fu gani karagapai ti gupai nga ka sungo kina baani yo, ka si rengbe wo.

16. Wisigo Baibiri Nga ga Dungurati: Aminiti biata bawe. Si naida i fu gi paparaha re fu gu bakumba rẽ namangaha wenengai. (Rogo gu ba angenga abaakumba rogoho ya, gu moundo abaakumba du na inohe ima rengba ka mangaha ka si aidaha wo.) Si naida gu rondo nga ga abaakumba diberã tipa gu boro rẽ tipa ka nungusa gu Wisigo Baibiri Nga ga Dungurati. Agu aboro i naidihe fuyo i mangihe, si naida i mangihe ngba wene gene tipa gupai nga gu wirikapai re nyasi bangiri regbo yo, mo nyakasipai tipa bangua averesi, na mo ki asadi ka undo aboro dunduko ni basasa i bi ndu gupai ngba mangapai ti ni kuti gupai i nawisigihe. Agu aboro i nasia yo tipa gi paparaha re rengbe ka gbia undo ni fugö yo gu rugapai du tipa wai ka nungusa gu paparaha nga ga sanahe na karagapai. (w23.04 kpe. 24, sanduki) Fuo nyasa oni gupai si aida i wisigihe rogo gu poso re, ndupai ho kaa gbe regbo kuti wisigopai te. Ho daha ada ni, si naida i mangisunge na aba-nungusihe na abagedihe ni bakiakia rogo aposo ni basasa. Ka si du nga basungu-rii-kiti bi gupai nga si naida i gurusi gu wirikapai re, sidu, gu boro nanungusaha rengbe ka bi wai rengbe ni ka guruso ho. Ni ima rengba ka sia ka zanga geda gu kura agenewaraga.

DIGISIDIGISI AFUGO

17. Aminiti biata. Basungu-rii-kiti nga ga dunguratise ko nika fugö gu memeapai nidu ti regbo dunguratise. Si naida ko fugupai rii agu apaparaha du tipa gu poso naye. Ka regbo du, ko ima rengba ka tingidapa agu agude sukuru nika du na asunge beyo rogo gu poso naye. Ka si du nga nyanyakipa tingidapai ho si aida i mangihe watadu ka waraga duho si aida i gedihe fu dungurati, si naida basungu-rii-kiti mangihe ti regbo gi digisidigisi afugo re. Agu atingidapai du tipa gu mbakadapai nabipa sunge tungusapai na giriso rago, si aidanga i pehe rii tambara yo te, i moihe ti ngua atingidapai. Ka si du nga atingidapai ni gbangaha watadu i arengba ka geda gu waraga si aida i gedihe vuru gu guru regbo nye re te, basungu-rii-kiti rengbe ka sana agu awirina namanga apapara gu dunguratise nga Raka ni AKristano i gurusi he ka si aidaha wo. (Oni bi genewaraga 16 na 19.) Dunguratise nanyasa na bia na kparakpee.

FU TAMBUAHE GBIATI RUGUTE

18. Ho gude sukuru anyasa gani sunge ni, basungu-rii-kiti nadu na regbo beko wa miniti sa tipa ka tambua ní na ka fu rugute du mburuhe rii gu waraga yugopai fu yo ho. Ho basungu-rii-kiti ayamba gude sukuru ni kurii tambara yo tipa gani sunge, ko apenga pa gu rugute ní amangasunge kutini te. Ono tie, fuo nyasa ní gani sunge, na fuo tambua ko ní, ko rengbe ka pepa gu wirikapai re na ki pe wai ní nimangipai wenengai ringbisihe kuti gu rugute ní nimangisunge kutini watadu ka pepa wai si aida ní mangi asadatise ngba wene gene tipa ka mangaha berewe susi gure. Ko ima rengba ka fura tipa gu kura apapara gu wirikapai re ka ko bihe nga si rengbe ka undo gude sukuru watadu agu aboro du pati dunguratise. Ko ima rengba ka fu gu kura arugute rengbe ka undo ní berewe nisani fuo nyasa dunguratise rogo gu burosua nga Oni Kpinyemu Aboro, Yugopai watadu gu buku nga Ministry School, singia nibi gu rugute ní nimangisunge kutini watadu nibi kurapai si aida ní mangi ariapai rogoho.—Ka oni aida ka inopai ni bakerehe tipa gu sunge nga ga basungu-rii-kiti nga ga gu Dunguratise Nga ga Gaani Raka na Sunge watadu gu nga ga ue bafurugute, oni bi genewaraga 19, 24, na 25.

REGBO

19. Papara dunguratise ho si aida si gu rii regbo te, zavura gu fugo nga ga basungu-rii-kiti a te. Wa vura duhe nga Waraga Dunguratise Nga ga Gaani Raka na Sunge apenga gupai nga si naida i mangihe vuru regbo were te, si aidanga boro naandu kindi kumbatayo ka manga gu gumbapai re ka si du nga ni ima nyasaha mbata fu gu regbo si aida i mangihe vuruhe yo te. Ka si du nga kura apapara dunguratise gu rii regbo, si naida ue bafurugute fu rugute kusa giirago yo funi. (Oni bi genewaraga 24 na 25.) Dunguratise dunduko, kodihe na abia na kparakpee, si naida si di regbo nga saa 1 na aminiti 45.

HO BABI RIMBASA AYE NI

20. Ka si du nga babi rimbasa ye ku rogo dungurati, si naida mbakadapai ndu a wa ringbisiyo ho rogo Waraga Dunguratise Nga ga Gaani Raka na Sunge kpara kusayo ti kina gipai du re: I nadia gu papara dunguratise kusayo nga ga gu Wisigo Baibiri Nga ga Dungurati tipa babi rimbasa mangi gako gumbapai tipa aminiti 30. Mbata fu basungu-ri-kiti yambu babi rimbasa kurii tambara yo, ko nafugö gu memeapai nidu rogo dunguratise na ki peke bete agu apai nika du rogo gu dunguratise nga ga gu poso naye, ki mangi gu nyanyakipa atingidapai ka du ho, fuoho tie, ko ki yambu babi rimbasa. Fuo nyasa gumbapai, babi rimbasa nika digiso dunguratise na gu bia ko nasiaha. Ko ima rengba ka yamba kura wirina ni ye ka digisoho na kparakpee. Si aidanga i mangi gu kura ue sukuru ti gu regbo babi rimbasa naye ku rogo dungurati te ka dungurati ape kina fugo sa. Badona ima rengba ka manga gayo dunguratise ka si vura du vurũ nga gu dungurati i nidu kutii behe na kparakpara poso nga ga babi rimbasa. Ono tie, si naida gu badona re koditiyo na dungurati ho babi rimbasa nikaa manga gako gumbapai ni.

GU POSO NGA GA BAKERE DUNGURATISE

21. Rogo gu poso nga ga bakere dunguratise nga ga uru sa watadu ga aˈuru biata, dunguratise ho nika manga te. Si naida i tingidi dungurati nga agu apai ina ringbisihe tipa dunguratise nga ga gu poso re, si naida aboro wisigihe kporo yo nisayo watadu na gayo aborokporo.

GU POSO NGA GA TINGIDA PAKPIO YESU

22. Ho Tingida Pakpio Yesu amanga ni bebere poso, gu Dunguratise Nga ga Gaani Raka na Sunge amanganga te.

BANGEREKURII GU DUNGURATISE NGA GA GAANI RAKA NA SUNGE

23. Gu rondo nga ga abaakumba nika sia bakumba sa ní du ni bangerekurii gu Dunguratise Nga ga Gaani Raka na Sunge. Gako sunge nga ka bi gupai nga apai nandu ngba ruru gene pati gu dunguratise re na aboro namangaha wenengai ringbisihe kuti gaha arugute. Si naida wene fugodagbase duadu dagbako na ue bafurugute. Ho vovo Waraga Dunguratise Nga ga Gaani Raka na Sunge akura ni nga ga gu kura diwi, si naida bangerekurii gu Dunguratise nga ga Gaani Raka na Sunge kparaka asunge nibasa ti agude sukuru tipa agu adiwi ue re. Gire nakoda agu asunge angianga ga agude sukuru ya na basungu-rii-kiti nga ga gu poso re dagba agu aboro gu rondo nga ga abaakumba nasia yo, zavura agu asunge nga ga agude sukuru. (Mo bi genewaraga 3-16 na 24.) Ho ni nika fuka agu asunge nga ga agude sukuru ni, ni inipa garã gu gude sukuru re, gani inohe, na wai ni narengbe ka fura wenengai kuti gupai i asakapai tipaha. Si naida ni mangi kina gu bangisapai re ho ni afuka kura asunge ni. Si naida i ima fu sunge fu gude sukuru na gu rugute i amangaha kutini mbu aposo koyo kandara biata mbata fu uru gani sunge, ni mangasunge na gu fuomu nga Gaani Raka Nga ga AKristano na Gaani Sunge—Waraga Sunge (S-89). Bangerekurii gu dunguratise nga ga Gaani Raka na Sunge ini gupai nga ni ima maa gu mbakadapai re sayo ti guhe ina maa atingidapai ti ni. Gu rondo nga ga abaakumba ima rengba ka sia kura bakumba watadu moundo abaakumba tipa ni niundo ni. Ono tie, si naida kina abaakumba naafuka agu asunge angianga ga agude sukuru ya.

BASUNGU-RII-KITI NGA GA GU DUNGURATISE NGA GA GAANI RAKA NA SUNGE

24. Rogo aposo ni basasa, bakumba sa nika du ni basungu-rii-kiti tipa gu Dunguratise Nga ga Gaani Raka na Sunge naabaha. (Rogo agu aba angenga abaakumba rogoho ya, gu moundo abaakumba du na inohe ima rengba ka mangaha ka si aidaha.) Ko du si aida ko mbakadi gako tonatona fugo na digisidigisi fugo. Ko du a nikaa pepa apapara dunguratise naabaha, na ko rengbe arengba a ka manga kura apapara dunguratise ka si du nga ngenga abaakumba te, gbe agu apaparaha si aida i moi kina vidio zanga kura sakaapai. Si naida afugoko du guruguru dagba apapara dunguratise. Gu rondo nga ga abaakumba nadiaberã tipa agu abaakumba rẽ kadu ni abasungu-rii-kiti. Agu abaakumba re du nikaa mangasunge basungu-rii-kiti. Nibi agu apai du tipa gaoni dungurati, bangerekurii gu Dunguratise Nga ga Gaani Raka na Sunge rengbe arengba kaa du ni basungu-rii-kiti dedede susi kura abaakumba. Ka sidu nga bakumba ima rẽ ka nungusa gu Wisigo Baibiri Nga ga Dungurati, gure wa ní ima rẽ a kadu ni basungu-rii-kiti nga ga dunguratise. Ono tie, oni tingidi gupai nga, gu bakumba nga basungu-rii-kiti si aida ní fu tambuahe fu agude sukuru na ki fu wene arugute fuyo ka si aidaha wo ni nyemuse. Basungu-rii-kiti du a si aida ko bi gupai nga dunguratise nyasi bangiri regbo yo. (Oni bi genewaraga 17 na 19.) Ka si ngba ti basungu-rii-kiti, na ka ba duadu rii tambara yo, ko rengbe arengba ka ru pati kura makorofoni ka yamba gu wirina naye ka manga papara dunguratise, tipa gu wirina re da rii tambara yo i ki sigira makorofoni fuko mbu basungu-rii-kiti ko nipe pako kindi. Wakina gure a, basungu-rii-kiti rengbe arengba ka sia gupai nga ka sungo asungo pati mbisa rii tambara yo ho gude sukuru ageda Baibiri ni na gbiati gu papara dunguratise nga Mo fu Tiro sa Sunge Tungusapai. Gipai re rengbe ka banda regbo.

UE BAFURUGUTE

25. Ho daha ada ni, si naida i sia gu bakumba nga wene bagumbapai tipa gi sunge re. Ga ue bafurugute sunge nga kaa fu arugute giirago yo ka si aidaha wo, fu abaakumba na amoundo abaakumba tipa agu asunge i amangaha kodihe na apapara gu Dunguratise Nga ga Gaani Raka na Sunge, gu gumbapai du tipa aboro dũ, nungusa Wisigo Ngbaõbambu Sinziri na gedaha, gbiati nungusa gu Wisigo Baibiri Nga ga Dungurati. (Oni bi genewaraga 19.) Ka si du nga abaakumba gu ngeange rogo dungurati nga aguyo nga wene abagumbapai na abayugupai, si naida boro sa du ni ue bafurugute tipa garã sa i ki fuhe fu gu kurani. Si aidanga ue bafurugute nifu arugute tipa agumbapai ni basasa dunduko te.

UE SUKURU

26. Kangia agude sukuru ima nge beroni, dungurati ima rengba kadu na kura ue sukuru behe tipa kaa fu asunge fuyo. Gu ue sukuru re du wa ka si du na bafurugute rogoho, gbe, bakumba. Kangia moundo abaakumba kinaho du na inohe wenengai niima rengba ka mangaha ka zingo du. Gu rondo nga ga abaakumba rengbe ka sia gu boro rẽ ka manga gi sunge re singia gu kura bakumba sa rengbe ka mangaha gu kurani ki mangihe ti gu kura regbo. Si naida gu bafurugute re ndu kuti agu arugute du rogo genewaraga 18. Ka si du nga kura ue sukuru kinaho, si naida i pehe fu agude sukuru i ndu ku rogoho fuo nyasa gu papara dunguratise nga Nyanyakipa Ahe Nga ga Toro. Si naida i karagatiyo ku Bambu Kindo yo fuo nyasa yo gu yangada sunge nga ga agude sukuru.

AVIDIO

27. Siakasiaka avidio kinaho i nikaa mangasunge na ni ti regbo gi dunguratise re. Agu avidio du tipa gu dunguratise nga ga bebere poso, i nikaa maaha rogo JW Library^® app tipa aboro nikusihe yo ku rogo gayo ahe.

© 2023 Watch Tower Bible and Tract Society of Pennsylvania

S-38-ZN 11/23