Gu 2 Zire Yugopai: Mbori Narungosi Gbegberẽ Aboro Rogo We
Wari gi ziree re aenge ni? “Dagba agu abangbasia abawisigipai dunduko nangia ga aGiriki yó, gu ko nanaamaapai kurii akurako bakere gbe tipa gu yugopai nga ga zo aboro niwe angia Plato.”—Histoire des enfers (Gu Pangbanga Nga ga Zo Aboro Niwe), nga gu buku Georges Minois akehe, kpewaraga 50.
Nimbedi kuti digido ue kama agarã Fuo Batikayo Kristo, agu aKristano i ayugupai fuyó rogo gu tatamana nga ga aGiriki atona kaa fura tipa gayó aida na agu afugo tatamana re. . . . Gu fugo tatamana nangba tiyo gbe angia ga Plato.”—The New Encyclopædia Britannica (1988), Volume 25, page 890.
“Akanisa nanyakasa gupai nga, we nga gu ba i azo aboro rogoho nyeanye kindi. I nayawee, fuo kpio ingiingi boro nibasa, mbisimoni nandu kurogo we, nga gu ba i ambusaha rogoho na ‘nyenye we.’ Gu bakere mbusa du rogo gi we re nga kpara boro kusayo ti Mbori nyeanye kindi.”—Catechism of the Catholic Church, 1994 edition, page 270.
Ginipai Ziazia Kekeapai agumbaha tipa gipai re? “Agu [aboro] du ni ungayo i ini he ya i akpí akpi, ono kpikpi aboro aina nga pai te, . . . bambiko sunge rogo Baatoro kpikpi aboro yo yo mo andú ku ho ni te, berãpai na inahe na tatamana a te.”—Batungusipai 9:5, 10.
Ginipai gi kekeapai re ayugoho tipa kpikpi aboro? Ya mo ba toro kpikpi aboro yo nga ba mbusa tipa gu ingapai i amangihe? Oó, mbiko i “aina nga pai te.” Si du gu iriʹiripa bakumba nangia Eyobo akpari ti ni fu Mbori ho ko aarungo ni be iʹigira kaza ki yaa: ‘Ako, mo oko re ku Baatoro kpikpi aboro yo.’ (Eyobo 14:13) Ya mo gako sanahe aayugo gupai nga, ba toro kpikpi aboro yo nga gu ba Mbori arungosi aboro rogoho nyenye kindi? Oó, mbiko ringbisihe kuti Ziazia Kekeapai, ba toro kpikpi aboro nga sasa gu pa-Ebere du rogoyo nga muro nga ba kpisido aboro.
Anga gi sakarogopai yo re duna ngbanya kuti gupai Ziazia Kekeapai agumbaha na nigupai ruaru tee? Ono, gini ngbatunga gbegberẽpai tigaha rengbe ka sa gu Mbori nga boro nyemuse ko rungosi aboro rogo we nyeanye kindi wa gure? (1 Yoane 4:8) Ono ka si du nga gu yugopai nga Mbori nazo aboro we yo nga ziree, ginipai tigaha du tipa gate ku ngbangbaturũ yo?
Oni ringbisinga gipai re na agi averesi re: Atambuahe 146:3, 4; Amokedi 2:25-27; ARomo 6:7, 23.
RENGO NGA:
Mbori arungosingo aboro rogo we yo te
[Gu kpiahe du ti kpewaraga 5]
Barrators—Giampolo/The Doré Illustrations For Dante’s Divine Comedy/Dover Publications Inc.