Oni Wirikipai Rogo Fugo Mbori Yo

Tipagine Si Aida ti ni Ani Wirikipai Be Mbori?

Gi kekeapai re nasakapai tipa agu asanahe dungu aboro naamakiaha berãyo yo na si nayugobara akaragapai kuti agu asanahe re rogo Ziazia Kekeapai. ADezire Yekova nikadu na ngbarago ka wisigo agi akaragapai re na oni.

1. Tipagine si aida ti ni ani wirikipai be Mbori?

Mbori na gu wene pangbanga ngbako du tipa gu wenepai nabi aboro dunduko. Ko nagumba gu pangbanga re furani rogo Ziazia Kekeapai. Ziazia Kekeapai nga gu waraga ye furani be gu Barani nakpinyemu rani du ngbangbaturũ yo.​—Oni gedi Yeremaya 29:11.

2. Gu wene pangbanga re nga gine?

Aboro naida wene zogarago. Gu zogarago nga ga awiri aboro aarengbanga ka dia zuũ, iraira sarangbanga, kaza, na kpio kusayo te. Ono wene pangbanga gu duho nga, Mbori nika ye na wene zogarago fu aboro nga gu nika dia agu apai dunduko naye na arungo furani.​—Oni gedi Daniere 2:44.

3. Ginipai duhe ti ni ninyanyakipa pai ka wirikapai be Mbori?

Barambeda, Mbori nika nyasariipa agu aboro naye na rungo ku auru kpotosende. Wa du rago tie re, ko nayugopai fu amirioni bayee aboro i raki wene raka, kini kpinyemu Mbori na nyemu akurayó. Fugo Mbori naundo aboro i wiriki wai ka sovura kuti agu akpakarapai nga ga raka, wai ka gbia ndikidi ngbarago, na wai ka fu ngbarago fu Mbori.​—Oni gedi Zefania 2:3.

4. Da nga Baenge ke Ziazia Kekeapai?

Ziazia Kekeapai na rukutu akitabu rogoho 66. Akumba 40 nakehe. Moize nakeke gu bambata akitabu du bisue agarã wa 3,500 kusayo. Gu yangara kitabu nga ga Ziazia Kekeapai, gu mokedi nangia Yoane nakehe agarã wa 1,900 kusayo. Agu aboro nake Ziazia Kekeapai ake ga Mbori berãpai angianga gayó berãpai ya. Sidu tie, Mbori du nga Baenge ke Ziazia Kekeapai.​—Oni gedi 2 Timoteo 3:16; 2 Petero 1:21.

Ani naino ya Ziazia Kekeapai aye be Mbori mbiko si napepa agu apai nika manga kumbatayo sirisiri dũ. Wiri boro ho ka mangihe wo te. (Yesaya 46:9, 10) Na berewe a, Ziazia Kekeapai nayugo asino Mbori furani. Si na ome ti ni ka sa ga boro raka niwenehe. Agi arengo re nasa amirioni aboro i idi kuti gupai nga Ziazia Kekeapai nga Fugo Mbori.​—Oni gedi Yosua 23:14; 1 ATesaroniko 2:13.

5. Wai rengbe oni ka giarogo Ziazia Kekeapai yo?

Aboro aini Yesu dunduko nibayugu Fogo Mbori. Wa si avura du nga dungu agu aboro ko anaafura naayó aima ino Ziazia Kekeapai wenengai, si aidi i undoyo aundo tipa i girogoyo. Tipa ka undoyo, Yesu anaagbe berãyo kurogo agu averesi nga ga Ziazia Kekeapai, kini sakirogoyo “i ki rugu tiyo na Ziazia Kekeapai.” Gi papara kekeapai nga “Oni Wirikipai Rogo Fugo Mbori Yo” re nika undo roni kina ngba gu bangisa gene re.​—Oni gedi Ruka 24:27, 45.

Ngenga agu ahe naye na ngbarago fu boro wa gu nga ní naawirikapai be Mbori tipa gako ringbisapai tipa raka te. Ono kura aboro adunga na ngbarago mbiko oni nawirika Ziazia Kekeapai te. Ka gure rugusinga roni ya. Pa ino oni Mbori du rengbe ka sa gupai nga oni duna maabangirise ka raka nyeanye kindi.​—Oni gedi Matayo 5:10-12; Yoane 17:3.

Ka oni aida ka ino kura apai tipa gipai re, oni bi kapita 2 nga ga gi buku re Gini Apai Nzunzu Ziazia Kekeapai Ayugoho?, si nga gu buku aDezire Yekova akusaha