Agu Asanahe Ziazia Kekeapai Akaragapai Kutini
Gini undo ani agbiaha ti kpio Yesu?
Ho Mbori akusi aboro ni, ko aaida i raki nyeanye kindi auru kpotosende zanga kaza na kpio. Ono tie, gu bambata boro nangia Adamu abasasangba Bakusiko na ki zanga gu mamu nga ga raka nyeanye kindi. Ani adi kpio ti Adamu mbiko ani nga atitako. (ARomo 5:8, 12; 6:23) Ndikidi Mbori nga Yekova akedi Wiriko nga Yesu ko ye ka kpi tipa rani na ki batasirani be ga Adamu ingapai.—Oni gedi Yoane 3:16.
Yesu akpi tipa ani gbia nyenye unga. Mo na berãha nga nyenye unga nika du wai auru kpotosende ane?
Kpio Yesu nasa gupai nga Mbori vu rani ti gaani ingapai na ki fu maabangirise furani tipa nyenye unga. Ziazia Kekeapai nafu kpia wai furani raka nika du auru kpotosende ane ho gbinza, kaza, na kpio kadu nga ni berewe ya.—Oni gedi Yesaya 25:8; 33:24; Yugoti 21:4, 5.
Waigu si aida ani tingidi pakpio Yesu?
Rogo gu nyemu naadu mbata kpio Yesu, ko ape gupai fu apefuoko nga i nitingidi pakpioko ni manga yo wiri taata pumbo. Tingida ani pakpio Yesu wa gure rogo agarã ni basasa naundo rani ani berẽkuriipa bakio wai Yesu na Yekova akpinyemu rani.—Oni gedi Ruka 22:19, 20; 1 Yoane 4:9, 10.
Rogo gi garã re, Tingida Pakpio Yesu nika du Rago Sa Sunge rogo Zerekpe 14 tingbafuo ti uru. Ani nayambaro tipa mo ye kadu pati ni na agu aDezire Yekova du rogo gamo dagbarago.—Oni gedi ARomo 1:11, 12.