Agu Asanahe Ziazia Kekepai Akaragapai Kutini
Tipagine si aida ani tingidipa kpio Yesu ti ni?
Gini maabangirise pakpio Yesu afuhe fu aboro ku mbatayo?—Yesaya 25:8; 33:24
Pakpio Yesu nga gu nyanyakipa pai namangi bakuru kusayo, ko akpi tipa ka sa ga aboro raka si du wai si aaidaha. Mbori akusanga aboro tipa i nimangi gbegberẽpai, i niwoki watadu i nikpiki te. (Bambata Pai 1:31) Ono ingapai arimi ku zegino mbiko gu bambata kumba nangia Adamu. Yesu akpi tipa ka batasa rani be ingapai na kpio.—Mo gedi Matayo 20:28; ARomo 6:23.
Mbori ayugu bakere nyemuse ni kedako Wiriko ku auru kpotosende ko ye ka kpi tipa rani. (1 Yoane 4:9, 10) Yesu ape gupai fu apefuoko nga i tingidipa kpioko ni manga yo wiri taata pumbo nakoda kpakuto na imekakue. Manga anihe wo na agarã dunduko nayugo pa gaani tambuahe tipa gu nyemuse Mbori na Yesu ayuguhe furani.—Mo gedi Ruka 22:19, 20.
Da si aida ni ri kpakuto na ki mbiri imekakue?
Tigu bambata regbo Yesu aya fu gako abawiriki i nitingidipa kpioko, ko afura tipa mozunga watadu giatise. (Matayo 26:26-28) Gu mozunga re azaki gene fuyo na bete kura aboro i da ni abakindo na ni aboromotumo na Yesu ngbangbaturũ yo. Wa vura duhe nga amirioni aboro nidu pati tingidapa kpio Yesu, kina agu aboro du rogo gu mozunga re nari kpakuto na kini mbiri imekakue.—Mo gedi Yugoti 5:10.
Tipa agarã nambeda kuti 2,000, Yekova aima digo ni sia agu aboro nika ngia abakindo. (Ruka 12:32) Agu aboro nika raka auru kpotosende ane nge kisusi yo.—Mo gedi Yugoti 7:4, 9, 17.