AGU ASANAHE ZIAZIA KEKEAPAI AKARAGAPAI KUTINI

Ya mo Ani Rengbe ka Ino gu Rengo du Tipa Mbori?

Boro sa dagba aDezire Yekova natungusapai fu kumba rogo gu ba aboro naasungo rogoho — Tipagine Mbori aida ani ini rengo ti ni? Mo gedi Yoane 17:3

Mbori aima fura na aboro. Ko amangisunge na gako ziazia toro watadu gako ome mangaapai tipa ka maa gako aberãpai ku ngbadu agu aboro yo naake Ziazia Kekeapai. (2 Petero 1:20, 21) Ani rengbe ka ino gu rengo du tipa Mbori ni geda ani Ziazia Kekeapai.—Mo gedi Yoane 17:17; 2 Timoteo 3:16.

Rogo Ziazia Kekeapai yo, Mbori nayugo dungu apai tipa tiko. Ko nayugo ndu gupai ko akusi aboro ti ni, gupai ko nika mangaha fu aboro, na wai ko aida ani raki. (Amokedi 17:24-27) Yekova Mbori naida ani ini gu rengo du tipa ko.—Mo gedi 1 Timoteo 2:3, 4.

Tipagine Mbori adia agu boro ti ni kugume nakpinyemu rengo?

Yekova nga Mbori rengo, na ko akedi Wiriko nga Yesu ko ye ka yugo rengo fu aboro. Sidu tie, agu aboro nakpinyemu rengo naye koyo du Yesu ni. (Yoane 18:37) Mbori naida ngbatunga agu aboro re da ni airisiko.—Mo gedi Yoane 4:23, 24.

Satana Bakitingbanga naka na badungu aboro ti ino Mbori ni gbaraga ko ziree ayugopai ti rimo Mbori. (2 AKorindo 4:3, 4) Agu aboro aidanga na rengo ya, i naida na ngbatunga agu ayugopai re. (ARomo 1:25) Ono dungu amirioni aboro nagia gu rengo du tipa Mbori ni wirika yo Ziazia Kekeapai.—Mo gedi Amokedi 17:11.

Ka oni aida ka ino kura apai tipa gipai re, oni bi kapita 1 nga ga gi buku re, si nga gu buku aDezire Yekova akusihe

Oni kusihe rogo gaani bangiriba nga ga Internet nga www.jw.org/zne