Yamba Aboro Rogo Zegino Dunduko Tipa Tingida Pakpio Yesu!

1. Gini ngbatunga kparakpara tua si aida ani mbakadi tirani ka mangaha mbata fu Tingida Pakpio Yesu?

¹ “Oni mangi gere nitingidi pa re.” (Ruka 22:19) Nidega airisi Yekova tuyo kuti gi zinahe re, i nika dunguratiyo kodihe na agu aboro duna nyemu rengo tipa ka tingida pakpio Yesu rogo Marungu 30, 2010. Ani nika kparaka waraga yamba aboro tipa Tingida Pakpio Yesu rogo zegino dunduko tona rogo Marungu ti rameru 13 dakuti rameru 30.

2. Rogo gini gene ani ka kparaka gaani waraga yambahe?

² Kparakaha: Si naida oni fu gu waraga yambahe re fu irakporo tipa ní bi gu sura du ti kpotoho, fuani, oni ki yaa: “Rogo gu nyemu nikangia ga Marungu ti rameru 30, amirioni aboro rogo zegino dunduko nika dunguratiyo tipa ka tingida pakpio Yesu. Ndu gupai ye mi ti ni ku kpuro ane nga ka fu gi waraga yambahe re foro na gamu aborokporo tipa oni ye kadu na ani pati tingida pakpio Yesu rogo gu nyemu re. Oni ima rengba ka ye a na abakurearoni ka i duho.” Oni yugu gu regbo si nika manga ti ni gbiati gu ba oni ka mangaha rogoho. Ka rengba du beroni, oni gedi Ruka 22:19 rogo Ziazia Kekeapai tipa ka yugo bara gu zinahe re funi. Ono tie, si naida oni tingidi gupai nga, wadu regbo berani nikina wiri guruhe tipa ka kparaka gu waraga yambahe re rogo gaani dagbarago dunduko, si aidanga ani zi fugo azio nitorotiri te.

3. Ada si aida ani yambu yó sa Tingida Pakpio Yesu?

³ Kangia gu dagbarago gaoni dungurati atungusapai rogoho ima kio, abaakumba rengbe arengba ka yugo bara agu akporo furoni si aida oni mbuhe rogoho ka si dunga oni abingo airaha tii kpoto te. Ho daha ada ni, oni rengbe ka fu amagazini afu kupati gu waraga yambahe re. Ka bangironi gonga ti yamba agu aboro oni atungusipai fuyó ya, aguyo oni naawirika Ziazia Kekeapai naayó, gaoni abadiasunge, akuaroni sukuru yo, agumeroni, gaoni amurakporo, gbiati gu kura aboro ka oni inipa yó.

4. Pa ruga ani tirani naapa gu nyemuse Yekova ayuguhe furani nifuko motumo tipa rani nafõngbaduraniyo ani mangi gine?

⁴ Oni Mbakaditironi Tipa ka Kparakaha Sirisiri: Regbo Tingida Pakpio Yesu nga gu wene regbo rengbe ani ka kiiso gaani sunge tungusapai rogoho. Ya mo oni rengbe ka mbakada agu apai du tipa roni tipa ka mangasunge nimoundo abazakigene? Ya mo agude beroni watadu boro ho beroni oni naawisigo Ziazia Kekeapai nani nga guni nasona kumbatayo rogo toro yo? Kangia wo duhe, oni sana abaakumba i bihe singia i rẽ tipa kada ni abatungusipai tipa wa ka i tungusapai na oni wa sa rogo gu tua re. Pa ruga ani tirani naapa gu nyemuse Yekova ayuguhe furani nifuko motumo tipa rani nafõngbaduraniyo ani du pati Tingida Pakpio Yesu na kini sa rani ani yambu gu kura aboro tipa i ye kadu na ani pati ni.—Yo. 3:16.