Ya Mo Oni Atona Wisigo Ziazia Kekeapai na Aboro Rogo Tanvuo?
1. Gini awaraga ani ka kparakaha rogo Tanvuo?
1 Agu awaraga ani ka kparakaha rogo Tanvuo nga Ngbaõbambu Sinziri na Awake! Ho ani andu ni berewe fuo agu aboro du na nyemupai, si naida ani fu gu trakte fuyó nga Ya Mo Oni Nakpinyemu ka Ino Rengo? na ki mangi nyanyaki asadatise tipa ka tona wisigo Ziazia Kekeapai naayó. Wai rengbe ani ka manga gupai re ti gu regbo ani nakaraga tirani fuoyo?
2. Wai rengbe ani ka mangisunge na gu trakte nga Ya Mo Oni Nakpinyemu ka Ino Rengo? tipa ka tona wisigo Ziazia Kekeapai na aboro ho ani akaraga tirani ni berewe fuo agu aboro ani afu magazini fuyó?
2 Wai ka Mangasunge na gu Trakte Re: Ani rengbe ka yaa: “Gu magazini mi ambuhe foro, si nangarasa ngbatunga aboro na apambori dunduko tipa i wisigi Ziazia Kekeapai. [Oni fu gu trakte re funi na ki yugu bara agu asanahe du ti kpotoho.] Wene wene asanahe du re nga gu Ziazia Kekeapai afu beedi akaragapai kutini. Ya mo mo asananga tiro na ngbatunga agi asanahe re?” Fuo irakporo karagapai, oni wisigipai nani wasa tipa gu karagapai fuyó ho tipa gu sanahe sia ní he dagba agu asanahe re, na ki gedi veresi sa dagba agu averesi duho. Fuani, oni ki pe gupai funi nga gere gbua nga kpia gupai Ziazia Kekeapai ayugoho, fuani, oni ki fu gu buku funi nga What Does the Bible Really Teach? Oni rengbe arengba ka sakapai nani tipa gu tonatona agenewaraga nga ga gu kapita ní ni siaha. Watadu oni ima rengba ka ndu kurogo gu kapita du na dungu apai rogoho nibipa gupai oni sakipai tipaha rogo gu trakte re. Gere nga bete agu apai rengbe oni ka mangasunge nani:
● Ya mo Mbori nangera angera nirengo fuo rani? (kpe. 9-11, genewa. 6-10)
● Ya mo avura gbiati arungo atingidi nyasi? (kpe. 12, genewa. 12-13)
● Ya mo boro naaraka kindi fuo kpioni? (kpe. 59-60, genewa. 7-8)
● Ya mo maabangirise ho nga kpikpi aboro araka araka berewe? (kpe. 71, genewa. 13-15)
● Wai ka mi kparikpee fu Mbori ko ki gi gimi kpee? (kpe. 166-167, genewa. 5-8)
● Ginipai ka mi mangihe tipa ka gbia ngbarago rogo gimi raka? (kpe. 9, genewa. 4-5)
3. Wai rengbe ani ka tona wisigopai na aboro ringbisihe kina kuti agu apai du tipa yó?
3 Ka si dunga agu apai du tipa ní asangaha taata tipa ani tona wisigo Ziazia Kekeapai nani watadu ka yugo wai ani naawisigo Ziazia Kekeapai na aboro ti kina gu bambata regbo karaga ani tirani ka bi ní te, ani ima rengba ka manga mbakadapai tipa ka karaga tirani berewe fuoni wa ka ani ndu kumbatayo na gaani sakapai. Ringbisihe kina kuti gu nyemupai du tiní, ani ima rengba ka sia kaa sakapai nani tipa kura asanahe rogo gu trakte re mbata fu ani yugu gu buku re funi ti agu aregbo ani akaraga tirani fuoni. Ani mangingo sunge amanga na gi trakte re rogo Tanvuo tipa ka tona wisigo Ziazia Kekeapai na agu aboro du na nyemu rurupai kpotoyo yo tipa ka undo yó i ‘ini rengo.’—Yoane 8:31, 32.