Ziazia Kekeapai nga Buku Ndikidi Kuru Apangbanga Gbiati Sangbanebi
Gini gopai nayugo gupai nga gu kuru apangbanga du rogo Ziazia Kekeapai, kina boro rengo du? Gini sangbaanebi nga gu du rogo Ziazia Kekeapai nadigisi tihe nafu gu kido furani nga agu asangbaanebi du tipa kumbatayo, si adigiso tihe adigiso? I sakipai tipa agi asanahe re rogo gu vidio nga The Bible—Accurate History, Reliable Prophecy, si nga gu biata vidio du rogo gu DVD du rimoho nga The Bible—A Book of Fact and Prophecy. Fuo bi oni gu vidio re, ya mo oni rengbe ka karagapai kuti agi asanahe re?
(1) Da nga baenge agu apai dunduko du rogo Ziazia Kekeapai? (Dan. 2:28) (2) Wai gu Ziazia Kekeapai afura afura nzunzu tipa gu Ezipeta nadumbata, na wai gu gu sangbaanebi du rogo Yesaya 19:3, 4 adigisi tihe? (3) Wai gu agu aboro nawirikapai tipa gu kuruahe i akusaha sendeyo nada kuti gupai nga rengo du Ziazia Kekeapai agumbaha tipa aAsuro, gayó Abakindo, na gu gberãngbi naye kurii yó? (Nau. 3:1, 7, 13) (4) Gini sangbaanebi i agumbaha tipa Babera digisi tihe? (Yere. 20:4; 50:38; 51:30) (5) Gini sangbaanebi naafura tipa Amadio na aParaso nadigisi tihe? (Yes. 44:28) (6) Wai gu Daniere 7:6 na 8:5, 8 adigisi tihe nibipa ringara aGiriki? (7) Wai gu Daniere 7:7 adigisi tihe ho Roma adani ni gu ringara nadu na bakere ome kisusi rogo zegino? (8) Gini aKaisara du fura yó tipa yó rogo Ziazia Kekeapai? (9) Ginipai namangi aKristano tii gu zogarago nangia ga Nero? (10) Wai agu asangbaanebi du rogo Yugoti 13:11 na 17:10 adigisi tihe? (11) Muambe Bakindo nga da? (12) Gini apapara gi vidio re nayugo gupai nga rengo du du rogo Batungusipai 8:9? (13) Gini sangbaanebi oni apidoho na omeroni dunduko tipa si digisi tihe? (14) Wai gu rengbe oni ka mangasunge na gu vidio re tipa ka sa kura aboro i dakuti gupai nga Ziazia Kekeapai nga fugo Mbori?