Wai Ka Mangasunge na gu Fuomu nga Please Follow Up (S-43)
Si naida oni hiisi gi fuomu re ti gu regbo oni nagbia gu boro duna nyemu rengo arakanga rogo gaoni dagbarago ya watadu guni nape gu fugo dukia ti gaoni. Wa vura duhe nga ani anaamangasunge nani mbata tipa agu aboro nagumba gu fugo dukia ti gaani, kangia i na nyemupai watadu i nani te, awere ani nika mangasunge nani tipa kina agu aboro duna nyemupai tiyo sa. Ono kparakparapai rengbe kadu sa kina tipa gu boro nga irangbiängä. Kangia ani gbia gu boro nga irangbiängä, ka si vura du nga ni na nyemupai watadu ni nani te, si naida ani hiisi gu fuomu ahiiso nga S-43 re.
Ginipai rengbe ani ka mangaha na gu fuomu re fuo hiiso ani he? Si naida ani fuhe fu gu bakeapai nga ga dungurati ko. Kangia ko ima ino gu dungurati rengbe ko ka kedaha kurogo, ko kedihe fu agu abaakumba du rogo gu dungurati re tipa wa ka i bi gupai rengbe yó ka mangaha tipa ka undo gu boro re. Kangia ko arengbanga naino bara gu dungurati re te, ko kedi gu fuomu re fu be-basunge.
Kangia gu boro re nagumba gu kura fugo aboro kia ti gaoni ono kini raki kina rogo gaoni dagbarago, oni ima rengba ka dogoda nduge fuo ní tipa wa ka oni ba nyemupai ku kpotoniyo daho oni ka gbia gu batungusipai ni nagumba gu fugo ní agumbaha rogo gu dungurati nagumba gu fugo re.—Oni bi gu Gaani Sunge Nga ga Kindo nangia ga Ngbangba 2009, ti kpewaraga 4.