Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Buza

“Rogo agu agarã susi bambeda, aboro aima ida ka ino apai tipa amaraika. Ya mo mo naberãha nga amaraika kinaho nzunzu? [Oni mbu ní tipa ní karagapai.] Mo bingo gupai gi magazini re agumbaha.” Oni fu gu Ngbaõbambu Sinziri funi nga ga Buza 1, na ki wisigi gupai na ní du tii gu bambata umba riipai du ti kpewaraga 16 na ki gedi veresi kandara sa. Oni fu gu magazini re funi na ki mangi mbakadapai tipa ka ye ka sakapai tipa gu sanahe ngbefuo gure.

Ngbaõbambu Sinziri Buza 1

Oni gedi Atambuahe 65:2. Fuoho oni ki yaa: “Dungu aboro naima ida kuti gipai nga Mbori ‘ninaagia akpee’ re, na i nakpara fuko na aˈuru dũ. Ono kura aboro kinaho gupai ake riyo yo nga, ‘Ka si du nga Mbori kina ti ni, tipagine du badungu fudifudiapai ti ni rogo zegino?’ Mo nabihe wai tigamo? Ya mo Mbori kina ti ni nga guko nagia akpee. [Oni mbu ní tipa ní karagapai.] Gi magazini re na gu karagapai rogoho Ziazia Kekeapai afuhe sa gu sanahe nga: ‘Tipagine Bagi kpee ambugene ti ni fu arungo?’”