Sanduki Sanahe

◼ Ya mo si naida ani fu kpee fu Mbori mbata fu tona ani gu wisigopai ani amangaha na boro ngbadimo kpuni?

Dungu aundo duho ti fu kpee fu Mbori mbata fu tona ani wisigo Ziazia Kekeapai na boro na ki digisihe na kpee. Ho ani akpara ni fu Yekova, ani nasanako ko fu gako ziazia toro furani si undo rani ti regbo gaani sakapai. (Rk. 11:13) Gu kpee re nanyakasa gupai a fu gu boro ani awisigopai na ní re nga pa gu wisigopai re ima nyaka na si kini yugu wai funi a si aida ní naakparakpee. (Rk. 6:40) Sidu, si niwenepai ani ima tona kparakpee na boro ngbutuko fuo tona ani bambata wisigopai na ní. Ono tie, wa duhe nga apai tipa aboro nibakiakia ngbadimo kpuyo, si naida ani ini gu regbo daha ada ani kparikpee ngbadimo kpu boro yo mbata fu tona ani wisigopai na ní na ki ini gu aregbo a adanga ha ani fu kpee ya.

Si naida ani kparia agu apai du tipa boro ngbadimo kpuni. Kangia bangiri aboro atinga ti rani wa ani akparakpee te, ani rengbe arengba ka fuhe ti tonatona wisigopai na ti digidoho na gu boro ani aima sigira wisigopai na ní. Ono ka si du nga, ho ani ka tona kpee ni, agu aboro susungu watadu rundu pati rani nika gbe bẽrayo agbe fuo rani, watadu rago angbanga ti gu boro ani awisigopai na ní na gupai nga ani kparikpee te, si adu nipatatamana ani mbuhe mbata daho ka ani bi gu wiri ba ni du nigbugbuhe ti bangiri aboro watadu ho ní nika idapa kparakpee ni. Zanga bipa gu ba ani awisigopai rogoho na boro, si naida ani ini gu regbo aino da tipa ani tona kparakpee na ní.​—Oni bi gu Gaani Sunge Nga ga Kindo nangia ga Marungu 2005 ti kpewaraga 4.