Oni Undo Irakporo Ní Berẽkuriipai
1. Gini fugo na boro gene tungusapai yo ngba gbe?
1 Gini ngbatunga fugo na boro gene tungusapai yo du na wene sangbanaha—gu nasa boro ní berẽ gupai nga ani nabi tirani nga kina gaani pai ru watadu ka undo irakporo ní berẽ na ki dakuti gupai du niruruhe? Gu mokedi nangia Pauro amangi gu uehe ho ko afura ni na agu aYudo nadu Tesaronike yo, na ‘nisangbana gipai re, aguyo ada ni aidipase.’ (Amo. 17:2-4) Ginipai pa sa aboro i berẽkuriipai akodaha?
2. Wai rengbe ani ka wirika ga Pauro kpiapai ho ani atungusapai ni?
2 Oni Berẽpa Wai Ní Abi Apai na agu Apai Ní Nainihe: Tipa ka sakapai na agu aboro du rogo gaani dagbarago ngba gu gene nika sayo i berẽkuriipai na ki dakuti gupai du niruruhe, si naida ani ini wai aino i abi apai. Pauro atona gako gumbapai fu agu aGiriki nangia azangaidapase nifura ko tipa agu apai i aima inoho na ki idi kutini. (Amo. 17:22-31) Sidu tie, ho oni ambakadatironi ni tipa tungusapai, si naida oni berẽpa gupai agu aboro du rogo gaoni dagbarago naidi kutini na gu iraira bipai du yó nani tipa kura ngbatunga aboro. (1 Kor. 9:19-22) Ka irakporo tona tikango, si naida oni gbata gupai rengbe oni ka tona sakapai na ní rihe.
3. Wai rengbe ani ka sa boro ní berẽ wenengai nimanga ani sunge na asanahe?
3 Oni Mangisunge na Asanahe Ngba Wene Gene: Ani arengbanga ka ringbisapa gene fu gu boro nandu kurogo kura ba wenengai te, kinagu ka ani ini gu ba du ní rogoho. Wakina gure a, ani arengbanga ka undo boro tipa ní dakuti ruru bipai te, kinagu ka ani ini gu bipai du ní nani. Mbata fu tona fugo na boro, gupai Yesu anaamangaha dedede nga ka sana boro tipa ka ino gani berãpai. Nikpiapai, ho kumba asana Yesu ni ki yaa, “Mi amánga wãi ka dia nyenye unga?,” Yesu aʹasadi ka ino gako bipai mbata fu ko karagapai. (Rk. 10:25-28) Ti kura regbo sa, ho Petero afu iraira karagapai ni, Yesu asanako na asanahe nitatamana tipa ka ruga gako berã. (Mt. 17:24-26) Sidu tie, ka si du nga irakporo sanahe watadu ní pe gupai arunga ya, ani rengbe ka kusa asanahe tipa ka undo ní ní girogo gupai re.
4. Tipagine si aida ani asadi ka undo irakporo tiní tipa ní berẽkuriipai?
4 Ho ani aundo irakporo ni ní berẽkuriipai, gure nga ani nawirika gu Bakere Bayugupai nga Yesu, na gu kura abatungusi wene pangbanga nadu rogo bambata sa kama agarã. Si naida ani bi irakporo na kikii pani na kini irisi ní. (1 Pet. 3:15) Nisangbana gipai re, ní ima rengba kadu na nyemu gupai nga ani ye ka bi ní berewe.