Sanduki Sanahe

◼ Ginipai rengbe ka sarani ani mbu waraga fu boro?

Gu nyanyaki ndupai rengbe ka sarani ani mbu waraga fu boro nga gu nyemupai du tinı. Ka nı yugu ndikidi nyemupai, ani rengbe arengba ka mbu amagazini funi ue, burosua, buku, watadu gu kura waraga nga gu ani afukaha fu aboro. Ho ani agbia gu boro ni duna nyemupai tinı ono ani ki bihe nga wiri mara beni gbua tooni watadu mara beni ka nı fuhe si songodi sunge tungusapai te, ani ima rengba ka mbu waraga funi mbiko gu nyemupai ani na bihe tinı.(Eyo. 34:19; Yugo. 22:17) Ono si aidanga ani mbu gaani nyanyakipa awaraga fu agu aboro abingo ho na nyanyakipaha ya te.—Mt. 7:6.

Wai rengbe irakporo ka yugo nyemupai? Ka si du nga nı na nyemu ani sakipai na nı si rengbe ka sarani ani bi gupai nga nı na nyemupai tinı. Ka nı adega tuni ti gu regbo ani afura, kini karagapai kuti agu asanahe ani afuhe, na kini peke agu apai nı abera ha, gure nga nı ima ida ani sakipai na nı. Ka nı apekafuo agu averesi ani agedaha rogo gani Ziazia Kekeapai yo, gure nga ni nayugo irisa tipa Fugo Mbori. Dedede, si niwenepai tipa ka sana boro mbata singia nı ageda gu waraga ani ka fuhe funi. Si naida abatungusipai du na rugatinapai tipa ka ino agu aboro du na nyemupai tiyo. Nikpiapai, ho ani amanga dezirepai ni bangiri gene, si aidanga ani kparaka gaani amagazini, aburosua singia abuku bau ti agu aboro dunduko nasusa pati rani te. Ka singia ani arengbanga ka ino gu nyemupai du boro nani te, si adu niwenepai ka ani fu kina kpewaraga takapande dunguratise funi watadu trakte.

Wakina gure a, agu awaraga batungusipai arogaha ba awaraga yo ka ndu ka tungusapai nani, si naida bangehe du ringbisihe kuti wai nı aidaha ka mangasunge nani, angianga ringbisihe kuti gu mara nı nika baha kurogo sanduki ya. Agu amara aboro afuhe anga si tipa awaraga te, ono si tipa ka undo agu asunge dunduko nga ga Kindo rogo zegino du. Ka ani abi sunge tungusapai na nyanyakipaha, si nika sarani ani gamuhe esuesu na ngbaduraniyo du ka undo gu sunge nga ga tungusapai, singia mara berani nibakerehe watadu si berani tooni gbua. (Mk. 12:41-44; 2 Kor. 9:7) Na si nika sarani a ani rogo kina agu awaraga ani ka mangasunge amanga nani, ki zanga gberesa pa gu mara i amangisunge nani ka kusa agu awaraga re.

[[Gu sura du ti kpewaraga 2]

Si naida abatungusipai du na rugatinapai tipa ka ino agu aboro du na nyemupai tiyo