Oni Mangisunge na Gaani Awaraga na Tatamana

Yesu ayugu gupai nga: “Wa i nafuku ahe fu roni gbe, oni fúku he tigaoni kina wo.” (Mt 10:8) Ani namangasunge kuti gu rugute re nizanga ani sana aboro tipa i fu marã tipa Ziazia Kekeapai watadu agu awaraga du mburuhe rii Ziazia Kekeapai. (2Kor 2:17) Wa vura duhe wo, agu awaraga re na nyanyakipa arengo rogoho nga gu du rogo Fugo Mbori yo. Si nadia bakere ome na marã tipa ka kusa awaraga na kaa kedaha ku rogo adungurati rogo zegino dunduko. Sidu, si naida ani rogo kina gu ani aidaha.

Oni mangisunge na rugatinapai ho oni afu waraga ni fu kura aboro, zavura ho oni amanga dezirepai ni rogo agu aba du gbaiga. (Mt 7:6) Kuba gupai nga kafu kina waraga gbua fu gu boro nasusa ngba gani gene, mo mangi ome ka fura na ni mbata. Ya mo mo rengbe ka karagapai nga ii kuti kandara sanahe sa dagba agu asanahe du rogo sanduki re? Ka si dunga mo arengbanga ka ino singia boro na nyemupai te, si angba gbe ka mo fu kina trakte funi. Ono tie, ka ni sanahe tipa magazini watadu kura waraga, mo ima rengba kafu he funi.​—Snz 3:27, 28.