Ya Mo Si Niwenehe?

Gure nga wene sanahe tipa ani sana tirani nani tipa gaani awaraga nga gu ani aida ka fuhe fu aboro gene tungusapai yo. Agu awaraga du nikutukpakutukpaha, nibibirikoho, watadu nisipisipihe rengbe ka sa aboro i du na gbegberẽ bipai tipa gaani riigbu na si rengbe arengba ka aria berã boro ti gia gu wene pangbanga nayugo gene bata nga gu du rogo gu gaani awaraga yo re.

Wai rengbe ani ka ngerafuo gaani awaraga si du niwene gigirihe? Dungu aboro nabihe nga si niwenepai ka mbakada gayo mangu nga ga tungusapai tipa agu awaraga re nisungu kina rogo abaha. Nikpiapai, i na aba rogo gayo mangu tipa abuku, gu kuraha tipa amagazini na aburosua, gu akuraha tipa atrakte, na gu kuraha tipa kura ahe. Na ho i akaraga gayo Ziazia Kekeapai ni na kura awaraga ku mangu yo, i namangaha na rubangirise tipa ka paha gberẽnga ya. Kura abatungusipai namangaha ngawee i namaa gayo awaraga kurogo gu kisi i ambakadihe tipa awaraga. Kangia wai du ani angerefuo gaani awaraga watadu ani natindaha na ginihe, si aidanga ani sa aboro i du na gbegberẽ bipai tipa gaani sunge tungusapai mbiko ani fu agu awaraga fuyo naima gberã te.​—2 Kor. 6:3.