Wene Gene ka Gbia Undo Be agu Aworo Abia Nga ga Kindo

Ga Yekova amoyambu nabi manzigo nigu bawene gamahe naye beko. (Yak. 1:17) Dungu adungurati ninaagbia undo be gia woro agu abia nga ga Kindo mbata fu dunguratise tona na tingbafuo nyasaha. Gia agu abia nga ga sio- krasia nga bawene gene ka mbakada bera rani tipa gaani adunguratise. Si naundo rani tipa ani mbakadi bera rani tipa irisombori. Kurigure, gia woro vovo abia na kini pekefuoho rogo gaani abukubia naundo rani tipa ani inidi tirani na woro gu vovo abia re na si ki sarani ani ini wai ka bihe wenengai. Ho i maa ngbatunga agu abia re ni tingbafuo gaani adunguratise, si nasa gupai nga rago du nizezeredihe, na aboro ki rengbe kaa fura dagbayo kini ngarasi tiyo. Si naida gu gbuu nga ga abaakumba mangi mbakadapai tipa dungurati nigi gu woro abia du rimoho nga Sing to Jehovah—Piano Accompaniment. Si aidanga i moi woroho kuari gbe te, si andu ka gberesapa fugo dagbase.