Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Banzinga

“Mo nabi pambori nga si nga gu he nasa aboro i duna nyemuse na zereda watadu si nga gu he naye na sogote na zuũ? [Oni mbu ní tipa ní karagapai.] Mi yugunga kurapai foro sa tipa gipai re.” Oni fu gu Ngbaõbambu Sinziri funi nga ga Banzinga 1, na ki wisigi gupai na ní du tii gu bambata umba riipai du ti kpewaraga 24 na ki gedi veresi kandara sa. Fuoho, oni ki fu gu magazini re funi na ki mangi mbakadapai na ní tipa ka ye ka sakapai tipa gu ue sanahe.

Ngbaõbambu Sinziri Banzinga 1

“Dungu aboro idi kuti gupai nga si niwenepai pambori rimisi tihe kurogo agu apai nga ga birĩ-zogarago, baraho kura aboro abi gupai ni nga si aidanga pambori koditihe na birĩ-zogarago te. Gamo berãpai nga gine tigamo? [Oni mbu ní tipa ní karagapai.] Mo bingo gupai Yesu amangihe ti gu regbo aboro aaida ko rimisi tiko kurogo birĩ-zogarago. [Oni gedi Yoane 6:15.] Gi magazini re nasaka ndu gupai Yesu akaragapai ti ni wa gure na si nasaka gu wene gene rengbe aKristano ka undo gayo rago ngbaha.”