Jehovah’s Witnesses—Faith in Action, Part 1: Out of Darkness
Rogo Ziazia Kekeapai, imarago nikodikodihe na rengo, ono bitimo nikodikodihe na ziree. (Tam. 43:3; Yes. 5:20) Satana aye na bitimo kurogo zegino ho ko anangi Eva ni, na niyangaraha, ko ki rimisi aboro kurogo nduunduu bitimo. (Yugo. 12:9) Gu vidio nga Jehovah’s Witnesses—Faith in Action, Part 1: Out of Darkness nasakapa wai gu imarago nga ga toro atona ka kura rogo bitimo. (Yes. 60:1, 2) Fuo bi mo gu vidio re, ya mo mo rengbe ka karagapai sa agi asanahe re?
(1) Wai gu nduunduu bitimo nga ga toro atona fuo kpiko amokedi? (2) Tona rogo agu agarã nangbe tifuo 1100, gini apai naamanga nga gu nasa aboro i bi gupai nga kanisa ima inga ti ndikidi gene? (3) Ada nangia Henry Grew na George Storrs? (4) Gini apai namangi rogo gu raka nga ga Charles Russell nga gu naadu na bakere ome kuriko? (5) Wai Charles Russell na bako gbiati kura abakureayo anaamanga gayo wisigo Ziazia Kekeapai, na gini apai i aye ka inoho rogo Ziazia Kekeapai? (6) Wai gi badona nga ga abawiriki Ziazia Kekeapai re aye ka kodatihe na gu badona nangia ga Nelson Barbour, na gine nasa gu wirina nangia Charles Russell ko kuru kusayo dagba agu aboro re? (7) Ginipai namangi rogo Bamburu 1879 nga gu nahaasi gu imarago nga ga toro kumbatayo? (8) Fuo gure, ginipai agu Abawiriki Ziazia Kekeapai bangeyo aange kina kumbatayo amangihe tipa ka gbandaka wene pangbanga rogo arago? (9) Ginipai Abawiriki Ziazia Kekeapai aamaabangiriyo tipaha mbu badungu agarã koyo kindi ya si nika manga rogo 1914? (10) Gini kpakaraapai Abawiriki Ziazia Kekeapai agbiatiyo nani fuo kpio Charles Russell? (11) Ginipai Abawiriki Ziazia Kekeapai amangihe fuo kusayo gu wirina nangia Rutherford gbiati agu akurako i aziko naayo ku bambukiso yo? (12) Wai bi gi vidio re naundo ro mo rugutiro wenengai naapa ga Yekova riigbu? (13) Wai gi vidio re nanyakasi ro mo naatungusapai kindi zaaza kpakaraapai ki vura du vurũ? (14) Wai rengbe ani ka mangasunge na gi vidio re ka undo agumerani, gaani abawiriki Ziazia Kekeapai, gbiati kura aboro?
Nairiwo gu bakere ũkumbo nga ga toro agu Abawiriki Ziazia Kekeapai re ambuhe furani! Rogo gu zegino naadu na bitimo rogoho nga ga toro, i angia gu ngangara aboro nanaata na gu imarago nga ga toro. Ani pekenga fuo gayo kpiapai apeka na ‘kini raki wa awiri imarago.’—Ef. 5:8.